Skip to Content

Axudas para a realización de actividades de formación en linguas estranxeiras

Mér, 2020-03-11 09:52

Convocadas axudas para a realización de actividades de formación en linguas estranxeiras no ano 2020, destinadas ao alumnado dos centros docentes sostidos con fondos públicos.

Trátase de actividades que están financiadas parcialmente pola administración educativa e que se desenvolven nos meses de xullo e agosto. Consideramos que poden resultar de moito ineterese para o alumnado de cara a mellorar o seu desenvolvemento en lingua Inglesa.

Se precisades axuda podedes acudir o centro.

Aqui tedes a información elaborada polo centro

Aqui podedes consultar  a información da consellería.

Un saúdo

A Dirección

Día Internacional da Muller

Mar, 2020-03-10 13:44

Dende o IES de Meaño apostamos pola IGUALDADE. Como di a nosa pancarta: 8M sempre. 

O luns 9 de marzo conmemoramos o día Internacional da Muller: Os alumnos/as de 2º de ESO do Obradoiro STEAM de Igualdade impartiron unha charla para os seus compañeiros/as e para o equipo docente sobre esta materia. Ademais, a profesora de educación física, Montse, explicounos cómo o alumnado elaborou a táboa periódica das deportistas máis destacables da historia. Por último, visualizamos un vídeo no que as protagonistas eran varias alumnas do instituto, que falaban sobre o que é para elas a Igualdade. 

ADMISIÓN DE ALUMNADO

Xov, 2020-02-27 13:15

Logo de realizado o proceso de reserva de prazas para os centros adscritos ó IES de Meaño, pódese consultar o  número de prazas ofertadas por este centro para o curso 2020/21, e as intruccións para o proceso de solicitude de admisión, necesario só para alumnado de centros non adscritos ou que se incorporen ao sistema educativo. 

 Podedes consultar NO CENTRO ou na aplicación Admisioalumnado o listado de admitidos da reserva de praza para o curso 2012/21 do IES de Meaño.

 Recordamos que se poderá solicitar a admisión  do 1 ó 20 de marzo de 2020.

 

Un saúdo 

A Dirección

Proxecto "Mapa dos colectores QR de Meaño": guía para engadir colectores no mapa compartido de Google Maps.

Xov, 2020-02-27 12:54

O alumnado de 2º de ESO precisa da túa axuda para levar a cabo o proxecto "Mapa dos colectores QR de Meaño", sobre a reciclaxe.

Cómo podes axudar? Introduce no mapa compartido en Google Maps a ubicación exacta dos colectores que teñas perto da túa casa. Logo os alumnos/as de 2º de ESO pasarán esa información ó  mapa físico que temos no centro, e crearán uns códigos QR para colocar nos colectores a través dos cais se poderán ver vídeos explicativos sobre os residuos que poden ir ós mesmos. 

No seguinte enlace tes un pdf no que se detalla paso a paso cómo se introduce a ubicación exacta dun colector no mapa compartido en Google Maps.

Preme aquí para acceder á guía

Obradoiro de esculturas literarias

Mér, 2020-02-12 12:19

Continuamos coa segunda fase do Obradoiro de esculturas literarias, na que o alumnado da primeira fase ensina ó resto de alumnado do centro.

CONMEMORACIÓN DÍA ESCOLAR DA NON VIOLENCIA E DA PAZ (30 DE XANEIRO).

Mar, 2020-02-04 13:35

Os alumnos/as de 4º de ESO realizaron un programa de radio en directo no pavillón para todo o alumnado sobre a CONVIVENCIA no instituto. Entrevistaron a Mari Daporta (secretaria). Tamén entrevistaron a María Fernández, Estrela Carballo e Ángela Chan (titora e titorandas do proxecto Titorando) e a Paula Dasilva (premio CIR do curso 18/19).

Os delegados/as dos diferentes grupos fixeron as súas reflexións sobre a convivencia no centro.

O xefe de estudos anunciou os cinco alumnos/as que máis aportan a un clima positivo de convivencia no centro (elexidos en votación polos seus compañeiros, o profesorado e os conserxes). Os seleccionados foron: Diego Salgueiro, Antía Fontán, Mariña García, Lucía Vilar e Sabela Gonzalo. Recibiron unha gran ovación dos presentes. Noraboa ós/ás cinco por este merecido recoñecemento.

Ángela Chan e Nerea Lorenzo, gañadoras do concurso de postais de Nadal do Concello de Meaño

Ven, 2020-01-24 11:30

Aris Salomón Padín, gañadora do Concurso de postais de Nadal de Nabia Naviera

Ven, 2020-01-24 11:12

Noraboa a Aris, alumna de 3º de ESO A, que foi a gañadora, na súa categoría, do concurso de postais de Nadal da empresa Nabia Naviera, que ten como premio unha viaxe para ela e os seus compañeiros á Illa de Ons ou ás Illas Cíes.

Distribuir contido


by Dr. Radut