A Universidade de Vigo organiza este curso distintas actividades dirixidas a alumnado e profesorado, como charlas de divulgación científica, charlas sobre determinadas titulacións ou ámbitos de coñecemento, puntos de encontro para persoal orientador....Os centros teñen a posibilidade de elixir as actividades que consideren necesarias, as cales poden ser consultadas na súa web.

Unha das actividades que organiza a UVigo é o #ConectacoSIE. O SIE é o Servizo de Información a Estudantado, e grazas á iniciativa desta universidade estará accesible para todo o profesorado e alumnado que o desexe, de forma que os interesados/as poderán acceder de forma virtual a unha aula en directo, onde poden realizar as consultas que consideren relacionadas coa ABAU, acceso, preinscripción, matrícula....Quen queira poderá acceder os martes de 12:00 a 13:30 horas para facer as consultas desexadas. Na ligazón tedes toda a información da actividade.

Anunciamos o proxecto TI© EMPRENDES, cofinanciado polo Programa Operativo de Emprego Xuvenil do Fondo Social Europeo e a Deputación de Pontevedra, que pretende mellorar as condicións de empregabilidade, tanto por conta propia como allea, dos destinatarios/as.

O programa vai dirixido ás persoas que cumpran estes requisitos:

• mozos e mozas desempregados/as que teñan entre 16 e 30 anos
• que non estean integrados agora mesmo en ningún sistema de educación ou formación
• inscritos/as no Sistema Nacional de Garantía Xuvenil
• empadroados nalgúns dos concellos rurais que podedes consultar no cartel axunto en pdf, entre eles Vila de Cruces, Silleda, Agolada, Dozón, Rodeiro ou Forcarei.
  

A Consellería ven de publicar, a modo informativo, a relación de ciclos formativos e módulos da formación profesional con prazas dispoñibles e sen listaxe de espera. Esta información pode ser de axuda na toma de decisións das persoas interesadas en facer solicitudes destas ensinanzas no periodo extraordinario, que abrangue dende 1 ó 9 de setembro ás 13:00 horas, debendo ter en conta que os datos poden variar puntualmente debido á resolución de reclamacións e recursos ou ó proceso de matriculación da 1ª adxudicación extraordinaria. Podes consultar a información e listaxes na seguinte ligazón. 

CALENDARIO DE ACCESO E ADMISIÓN

• Presentación de solicitudes: do 1 ao 11 de setembro de 2020 ata as 13:00h.
• No mesmo prazo, entre o 1 e 11 de setembro, deberase entregar o consentimento dos pais ou titores/as legais, de incorporación a FP Básica no centro de orixe (Anexo III). De non entregar este documento no prazo indicado, entenderase que os/as titulares da patria potestade ou representantes legais do alumno/a non dan o consentimento de incorporación á formación profesional básica.
• Publicación da listaxe de admitidos: 14 de setembro
• Prazo de reclamación contra as listaxes ante a dirección do centro: 15 e 16 de setembro. 
• Matrícula: do 14 ó 21 de setembro.

O alumnado repetidor de primeiro curso ou que teña promoción a segundo presentará a solicitude de admisión e matrícula no mesmo centro en que estivese matriculado no curso previo. O prazo para a presentación desta solicitude e o prazo para formalizar a matrícula son os indicados anteriormente.

Publicadas as listaxes da convocatoria ordinaria de persoas con praza adxudicada nos ciclos formativos de formación profesional, no réxime ordinario e no réxime para as persoas adultas. As listaxes garanten a confidencialidade, polo que cada persoa está identificada con un código persoal de consulta (CPC).

O prazo de matrícula ou renuncia do alumnado admitido en cada ciclo formativo abrangue dende o mércores 29 de xullo ata as 13:00 horas do venres 31 de xullo de 2020.

Para máis información e consulta das listaxes preme na ligazón.

Se o próximo curso vas realizar estudos universitarios en Galicia e estás a buscar aloxamento, podes atopar información de interese na presentación adxunta.

Publicadas as listaxes de persoas admitidas aos ciclos formativos de formación profesional, no réxime ordinario e no réxime para as persoas adultas.

O prazo de matrícula ou renuncia do alumnado admitido en cada ciclo formativo abrangue dende o martes 21 de xullo ata as 13:00 horas do luns 27 de xullo de 2020.

Para máis información e consulta das listaxes preme na ligazón.

Na presentación poderedes consultar os aspectos relevantes que precisades coñecer sobre a preinscripción e matrícula na Universidade en Galicia, así como os correspondentes prazos. 

Para matrícula en estudos universitarios noutras comunidades autonómas, é preciso cubrir o formulario online que corresponda así como estar atentos/as ós prazos de admisión e matrícula pertinentes, para o que é recomendable consultar as páxinas web das universidades en cuestión. 

Na web de FUTUROS ESTUDANTES da UDC poderedes atopar toda a información relativa ás ABAU, á PREINSCRIPCIÓN e á aplicación NERTA. Nela figuran os prazos e un vídeo explicativo do procedemento para facer a preinscripción en NERTA, con prazo aberto ata o próximo 28 de xullo. Acceso á web nesta ligazón.

O primeiro listado de alumnado admitido será publicado o martes 11 de agosto, e o derradeiro listado publicarase o 16 de outubro. Convén estar atentos/as á publicación dos listados e chamamentos, xa que os prazos de matrícula en liña son de tan só dous días hábiles! Logo, nese prazo de dous días, o alumnado convocado deberá matricularse ou confirmar o interese en seguir nas listaxes da CIUG, pois de non confirmalo, decaerá nos seus dereitos. 

Asemade, dende a UDC recordan que teñen abertas virtualmente as portas da súa Universidade, polo que no caso de ter dúbidas sobre algún Grao, poderedes atopar información sobre as titulacións, testemuñas de alumnos/as e cuestións referidas á vida universitaria premendo neste enlace. Tamén vos poderedes achegar á UDC a través de Twitter (https://twitter.com/udc_gal) e Facebook (https://www.facebook.com/udc.gal/).

No documento pdf adxunto pódese consultar a relación actualizada de titulacións de grao do Sistema Universitario Galego e as prazas ofertadas en cada un deles para o vindeiro curso 2020-2021.