Publicadas as listaxes provisionais de solicitudes de admisión a ciclos formativos de formación profesional en réxime ordinario e no réxime para as persoas adultas en modalidade presencial e en modalidade a distancia.

O prazo de reclamación contra estas listaxes é ata as 13:00 horas do mércores 15 de xullo de 2020, debendo realizar a reclamación no centro no que se presentou a solicitude.  

Co fin de garantir a confidencialidade, cada solicitante está identificado con un código persoal de consulta (CPC). Trátase dun código alfanumérico único para cada persoa que participa no proceso de admisión de FP, e que se pode obter a través da aplicación informática ciclosadmisión. Para calquera tipo de dúbida en canto á obtención do CPC, é pertinente consultar as instrucións para obter o mesmo nesta ligazón.

Para máis información e consulta das listaxes, preme neste enlace.  

A Universidade da Coruña ofrece unha nova edición das Xornadas de Portas Abertas Virtuais para futuro alumnado e familias, que  terán lugar o martes 14 e mércores 15 de xullo.

Os participantes poderán coñecer a universidade por dentro, interactuar cos responsables das titulacións e coñecer os servizos e unidades que facilitarán a súa vida universitaria (UDC Internacional, residencias públicas, centros de linguas, cultura, deporte, voluntariado, atención á diversidade, acción titorial, asociacións estudiantís, emprego...).

A información das Xornadas e sobre os distintos estudos que oferta a UDC (41 Grados, 7 Programas de Simultaneidade, 2 Graos Abertos e o Grado de Nanociencia e Nanotecnoloxía de nova implantación no curso 2020-2021), pode ser consultada na seguinte ligazón https://www.udc.es/futuros_estudantes/portas_abertas/ , e tamén na aplicación móbil UDC.gal para Android e para IOS.

Os participantes disporán de: 

• Videoconferencias en directo de cada titulación
• Vídeos de Centros universitarios
• Vídeos con testemuño de alumnado matriculado e alumnado titulado. 
• Haberá un apartado especial con retos e obradoiros en vivo, con agasallos para os participantes. 
• Tamén terán a súa disposición un posto de información xeral, no que poderán facer as consultas e formular as dúbidas. 
  

Publicado os calendarios do proceso de admisión a ciclos de Formación Profesional e FP dual para o curso 2020/2021.

Admisión a ciclos de Formación Profesional: 

Periodo ordinario de admisión: presentación de solicitudes  do 25 de xuño ó 8 de xullo ás 13 horas.

Periodo extraordinario de admisión: presentación de solicitudes do 1 de setembro ó 9 de setembro ás 13 horas.

Consulta o calendario completo coas distintas fases e prazos nesta ligazón.

Admisión a FP dual: 

Periodo de presentación de solicitudes: do 25 de xuño ó 8 de xullo ás 13 horas.

Consulta o calendario completo coas distintas fases e prazos nesta ligazón. 

Máis información

A Escola de Enxeñaría de Minas e Enerxía, da Universidade de Vigo, organiza a Energy Virtual, unha xornada de portas abertas para amosar ó alumnado da educación secundaria as posibilidades e saídas profesionais do Grao en Enxeñaría da Enerxía e o Grao en Enxeñaría dos Recursos Mineiros e Enerxéticos.

Data das Xornadas: 25 de xuño de 2020

Horario: de 12:00 a 13:00 horas

Acceso: https://campusremotouvigo.gal/access/public/meeting/928607699                                                               

Para acceder debes premer no enlace e a continuación escribir o teu nome e a inicial do apelido. Terás dúas posibilidades de acceso, con micrófono (poderás escoitar e tamén compartir micrófono e cámara) ou como oínte (só poderás escoitar). 

Publicada a Orde do 29 de maio de 2020 pola que se convocan prazas de residencia nos centros residenciais docentes da Coruña, Ourense e Vigo para realizar estudos postobrigatorios non universitarios no curso 2020/21.