O Camballón, na Regueifesta!
Enviado por admin o Mar, 18/04/2023 - 11:53
O alumnado do Camballón participou os días 12, 13 e 14 de abril nun convivio con alumnado vasco e catalán, dentro das actividades da Regueifesta.
O alumnado do Camballón participou os días 12, 13 e 14 de abril nun convivio con alumnado vasco e catalán, dentro das actividades da Regueifesta.Ademais, durante estes tres días o alumnado celebrou un Galeusca de improvisación oral entre adolescentes da Galiza, País Vasco e Cataluña, con actividades diversas arredor da música, a sociolingüística e a poesia oral. Coa colaboración de profesorado e familias, estes tres días continuaron, un curso máis, os encontros anuais entre regueifeiras, bertsolaris e glosadors adolescentes. O ano pasado viaxamos ao País Vasco e o vindeiro ano visitaremos Cataluña. Nestes días, ademais da canción improvisada, colocamos no centro das actividades as nosas tres línguas en proceso de normalización.
O venres 14 de abril participamos na Gala Regueifesta-Enreguéifate, que reuniu máis de mil escolares de toda Galiza nun espetáculo de improvisación oral no que o noso alumnado tivo protagonismo en diversos momentos. Regueifamos nas probas de regueifa e animamos a banda do espetáculo. Máis de 30 centros de ensino, desde o Courel até Trives, de Vigo até Vilalba, de Carballo até Burela, encheron un Auditorio que celebrou a gran festa escolar da regueifa.
O Auditório da Galiza converteuse nun avión das "Aerolinhas Galegas da Regueifa" e voamos por diferentes pobos improvisadores de Europa, desde a Toscana ou a Madeira até Cuba. As regueifeiras Lupe Blanco e Olalla Liñares pilotaron este avión que nos transportou ao mundo da improvisación oral con moita festa e creatividade.
Versión para impresora
