Lingua Galega e Literatura

Celebrouse no MOME este 23 de febreiro a anual homenaxe á nosa poeta ROSALÍA DE CASTRO, na que, en conxunto cos demais centros de ensino da Estrada e o IES Chano Piñeiro de Forcarei, alumnado dos diferentes centros recitou poemas da nosa universal poeta.

Polo noso centro recitaron o poema "De soidás morríase" as alumnas SANAA CHEFAOUI e LAILA HAIBOURI.

O pasado venres 17 a escritora María Reimóndez compartiu co noso alumnado a súa actividade literaria, social e tamén o mundo da tradución.

A nosa alumna María Rozados Balboa de 4º ESO C resultou gañadora do 1º Premio Xuvenil do Concurso de Relatos de ADEGA coa súa obra "Quen son eu".

Como finalistas temos a Ainhoa Pereiras Mosquera (1º ESO C) con "O noso tesouro" e a Sandra Ferreiro García (1º BAC. C) con "Tan belo...Tan fráxil...".

En hora boa ás tres!

Alumnado de 1º e 3º de ESO do noso instituto a cargo do departamento de Lingua e Literatura Galega participaron onte na xornada sobre Olimpio Arca e o teatro escolar. O Faro de Vigo faise eco da noticia.

No IES MGB buscamos potenciar o uso da lingua galega en todos os aspectos, e desde a titoría de 1 ESO C do curso pasado recórdannolo con este vídeo.

Mañá martes 31 de maio o alumnado de 1° de ESO participará no Correlingua. A actividade consistirá nun pequeno percorrido reivindicativo en defensa do galego polas rúas da vila, xunto con alumnado doutros centros educativos da comarca. 

Os gañadores do concurso "Coida a túa lingua", organizado polo Equipo de Normalización do noso centro foron: Ángel Louzao Neira (3º A ESO) na categoría A, Nerea Agrelo Turnes (4º C ESO) e Raquel Fonseca Pontes (4º C ESO) na categoría B e Suso Iglesias Torres (Departamento de Matemáticas) na categoría C.
Parabéns a todos eles!

No certame, convocado polos equipos de normalización lingüística dos centros de ensino da Estrada, resultaron premiados/as os/as seguintes alumnos/as do noso centro: David Barbeito Rebolo (1º C ESO), Ainhoa Vivel Couso (4º A ESO) e Laura López Rey (2º C BACH), na sección de microrrelatos e Hugo Barruso Arias (1º C ESO), Nicolás Luna Puente (4º C ESO) e Román Constenla Fontenla (1º C BACH), na sección de micropoemas.
Os traballos gañadores, que serán publicados proximamente nun libro colectivo, xa se encontran no web de normalización do centro. Podedes acceder a eles picando nesta ligazón: blogue de creación literaria.

As nosas alumnas de 4º de ESO Ainhoa Vivel, Alba Mato e Sandra Ferreiro resultaron finalistas do IV Certame de Relato Curto da FANPA. O día 31 de maio saberemos se algunha delas é a gañadora. Moita sorte!

Máis información nesta ligazón.

Este xoves 31 o alumnado deste Centro fixo un percorrido polo roteiro dos protagonistas d'A Esmorga pola cidade de Ourense para máis tarde desprazarse ao Pazo Museo de Trasalba de Otero Pedrayo.

O vindeiro xoves 31 de marzo alumnado de 4º de ESO, 1º de Bacharelato e da materia de Literatura do Século XX e da Actualidade de 2º de Bacharelato realizarán o Roteiro da Esmorga no concello de Ourense e visitarán a Casa-museo Otero Pedrayo en Trasalba. Sairán do centro ás 9:00 e voltarán sobre as 20:00.

O vindeiro venres 29 de xaneiro a escritora Ledicia Costas departirá no noso centro sobre a súa literatura e máis concretamente sobre "Escarlatina, a cociñeira defunta", obra recentemente recoñecida co Premio Nacional de Literatura Infantil.

A profesora do noso centro Marisa Otero resultou gañadora do concurso Anomar de poesía, convocado pola Asociación Cultural Os Tilos, na categoría de adultos.

Moitas felicidades!