Con motivo da celebración do Día Mundial da Sida que se celebra o día 1 de decembro, repartiránse aos alumnos uns folletos de información divulgativa e pegatinas enviadas pola Consellería de Sanidade e a Dirección Xeral de Saúde Pública.

A vicedirectora convoca a todos os delegados a unha reunión que terá lugar na aula de Usos Múltiples o vindeiro luns 3 de decembro no 1º recreo

O vindeiro mércores 5 de decembro, os alumnos de 1º ESO e 2º ESO participarán na xornada do Deporte na Escola. Sairán do centro ás 10:25 horas.

O vindeiro martes 18 de decembro os alumnos de 3º ESO A e B, irán a Coruña a visitar a exposición de Picasso na Fundación Barrie de la Maza e participarán nos talleres didácticos. Sairán do centro as 9:00 horas e regresarán as 18:30 aproximadamente.

O logotipo da biblioteca MGB é unha invitación a “engancharse” á lectura. Representa a afección aos libros e o pracer que estes aportan a quen os le. Foi creado por Óscar Pintor Gil, alumno de 4º de ESO, gañador do concurso promovido desde a Biblioteca en colaboración con Xoán Xosé Pérez Viéitez, profesor de Educación Plástica e Visual.

Dende o Seminario de Historia, as organizadoras da viaxe a Exipto, agradecemos a colaboración de todo o personal do centro que aportou unha foto. A partir do luns, poderedes comezar coas apostas... Grazas.

O mércores 28 de novembro do 2007, este centro participou na xuntanza dos centros de ensino medio e a Universidade de Santiago de Compostela (USC).

O Ministerio de Educación e Ciencia vén de comunicar a concesión ao noso centro dunha axuda económica de 7.000 euros para o desenvolvemento do proxecto de Agrupación de centros "Dos mil años por correo".