Actividades extraescolares e complementarias programadas para a semana do 12 ao 16 de abril
Enviado por Vicedirec. o 8 Abril, 2010 - 18:25
Para a vindeira semana están programadas as seguintes actividades complementarias e extraescolares:
- Martes 13 de abril → O alumnado de 1º de ESO acoderá ao Teatro Principal da Estrada á representación teatral Reciclax@ as 2 horas da tarde. Esta obra pretende concienciar ao alumnado da necesidade de practicar a reciclaxe como medida de respecto ao noso medio natural e de conservación do planeta, enmarcada na campaña impulsada polo concello da Estrada de sensibilización medioambiental sobre a reciclaxe.
- Mércores 14 de abril → Unha selección de 18 alumnos do 3º de ESO participará no II campionato provincial escolar de orientación. Terá lugar en Pontevedra ao logo de toda a mañá.
- Venres 16 de abril → Os profesores Carmen Montero e Augusto Otero, do Departamento de Orientación, ofrecerán unha charla informativa ao alumnado de 1º de BAC sobre as últimas novidades referentes ás PAAU e as titulacións de grao. Será en usos múltiples a 5ª e 6ª hora.
