Conferencias

Exploración tripulada dos últimos confíns do planeta. Baixada á Foxa das Marianas

Lun, 16/05/2022 - 11:23

O enxeñeiro aeronáutico Héctor Salvador Fouce impartiu este xoves 12 de maio unha conferencia co título Exploración tripulada dos últimos confíns do planeta. Baixada á Foxa das Marianas.

Héctor Salvador Fouce, actualmente director de operacións de Triton Submarines EMEA, foi o primeiro español en descender ao Abismo da Seara na Fosa das Marianas, a 10706 m de profundidade.

Álbum: Sen categoría -> StemBach 21-23. Conferencia Baixada á Foxa das Marianas

Una breve historia de las matemáticas y sus aplicaciones

Lun, 16/05/2022 - 11:04

Este mércores 11 de maio o doutor David Gómez-Castro, o cal actualmente está a realizar unha estancia postdoutoral na Universidade de Oxford, impartiu unha didáctica conferencia titulada Una breve historia de las matemáticas y sus aplicaciones.

Nesta conferencia, o doutor David Gómez-Castro deu unha visión xeral das matemáticas dende o 40000 a.C. ata o día de hoxe. Na última parte desta conferencia introduciu os distintos grupos de investigación de matemática aplicada da UCM (Universidade Complutense de Madrid), na que traballa como profesor asociado e, finalmente, respondeu ás preguntas que lle xurdiron ao alumnado de primeiro de StemBach trala conferencia.

Álbum: Sen categoría -> StemBach 21-23.Conferencia Una breve historia de las matemáticas y sus aplicaciones

O cerebro na saúde e na enfermidade

Lun, 09/05/2022 - 12:27

O pasado venres 6 de maio a neurocientífica Sonia Villapol impartiu unha didáctica e amena conferencia titulada O cerebro na saúde e na enfermidade.

A doutora Sonia Villapol é licenciada en Bioloxía Molecular e Biotecnoloxía pola Universidade Santiago de Compostela e doutora en Neurociencias pola Universidade Autónoma de Barcelona. Actualmente, traballa como investigadora principal e profesora no Methodist Hospital, en Texas.

Nunha primeira parte desta conferencia, introduciu brevemente algúns conceptos e curiosidades da fisioloxía do cerebro para, a continuación, comentar as investigacións levadas a cabo no seu laboratorio. Na última parte, a doutora Sonia Villapol, respondeu as preguntas do alumnado de primeiro de StemBach, así como dos asistentes a esta conferencia.

Álbum: Sen categoría -> StemBach 21-23. Conferencia Sonia Villapol

Retos, paradojas e incertidumbres de una robótica cada vez más dirruptiva y transgresora

Lun, 28/03/2022 - 18:12

O pasado mércores 23 de Marzo o doutor Roberto Iglesias, coordinador do Grao de Robótica e profesor do departamento de Electrónica e Computación da Escola Politécnica Superior do Campus de Lugo, impartiu unha amena e didáctica conferencia ao alumnado de primeiro curso de STEMbach.

Nesta conferencia titulada, Retos, paradojas e incertidumbres de una robótica cada vez más disruptiva y trangresora, o doutor Roberto Iglesias, comezou cautivando o alumnado e docentes presentes na sala, cunha demostración do Robot NAU, para de seguido falar, como ben indica o título da conferencia, dos retos aos que se enfronta a robótica, tanto no sector industrial, introducindo os conceptos de COBOT, xemelgos dixitais, casos de usos (necesidades de reprogramación para adaptación a clientes), como, no sector servizos (agricultura, inspeccións estruturais, asistentes domésticos..), enlazando co grande desafío actual, como é o aprendizaxe (redes neuronais artificias e redes profundas).

Na última parte da conferencia, animou ao alumnado a matricularse no grao de robótica, explicando brevemente o contido das materias de dito grao.

A conferencia rematou cunha desmostración do Robot Perro.

Álbum: Sen categoría -> StemBach 21-23. Conferencia Robótica

Facing Fire

Ven, 28/01/2022 - 14:43

O mércores 26 de Xaneiro, Beatriz Omil, doutora do Departamento de Edafoloxía e Química Agrícola da USC, impartiu unha conferencia e un pequeno obradoiro do programa "Facing Fire". Neste programa e nas súas versións anteriores (Plantando cara ó lume e Plantando cara al fuego) o centro leva participando dende o curso 2016/17.

Esta charla comezou introducindo o proxecto de innovación Facing Fire, o cal integra procesos de aprendizaxe con servicios á comunidade, realizando actividades con centros educativos e asociacións forestais.

A continuación, a doutora Beatriz Omil presentou brevemente as características, consecuencias, así como, a prevención dos lumes. E no caso de ocurrir un lume, os métodos de protección para evitar as perdas de solo.

Unha vez finalizada a conferencia, Marcos e Eva, alumnos de forestais da Escola Politécnica de Lugo e, Ángela, alumna de segundo de ciclo superior de Laboratorio de Análise e Control de Calidade do noso IES, os cales participaron en anos anteriores neste programa, contaron a súa experiencia e animaron ao alumnado de primeiro de StemBach a paticipar.

Para rematar esta sesión, o alumnado determinou experimentalmente o pH de diferentes solos: dun souto, dun eucaliptal e de 2 solos queimados con diferente intensidade.

Álbum: Sen categoría -> StemBach 21-23. Conferencia FacingFire

Química e Catálise: Unha viaxe dende Lugo.

Ven, 21/01/2022 - 17:10

Este mércores 19 de Xaneiro, o científico lucense David F. Fernández impartiu unha conferencia dende Nova Jersey titulada: Química e Catálise: Unha viaxe dende Lugo.

David F. Fernández é un xoven científico, doutor en Química pola Universidade de Santiago de Compostela que, dende fai dous anos colabora co actual premio Nobel de Química, David W. C. MacMillan. Cabe mencionar, que este galardón foi otorgado a MacMillan polo papel que desempeñou no desenvolvemento da organocatálise asimétrica.

Ademáis da súa faceta de investigador, David F Fernández é un dos creadores da Sociedade Xuvenil Galega de Química, a cal imparte obradoiros en colexios e institutos.

Nesta amena conferencia, primeiramente, falou sobre o seu percorrido dende Lugo, pasando pola súa etapa de estudante na Universidade de Santiago e como investigador predoctoral no CIQUS, ata a súa actual estancia postdoctoral no grupo de investigación de David W. C. McMillan.

Nunha segunda parte da conferencia, introduciu ao alumnado de primeiro de StemBach, os conceptos de asimetría e catálise, para a continuación, enlazar cos conceptos de catálise asimétrica, e en particular, o da organocatálise, e as ventaxas que presenta esta última frente a catálise metálica ou a biocatálise.