Conferencias

PLANTANDO CARA AO LUME

Mér, 18/12/2019 - 21:00

Charla impartida por Agustín Merino, profesor da USC do Departamento de Edafoloxía e Química Agrícola. Ademais interviñeron Beatriz Omil, doutora deste Departamento e coordinadora de medios aéreos e terrestres para a extinción de incendios na nosa provincia, e Lucía Díaz, alumna do Máster en Dirección de Actividades Educativas na Natureza da Facultade de Formación do Profesorado da nosa cidade.

Presentaron datos do número de incendios en Galicia nos últimos anos, o seu tipo, a súa orixe, intensidade, consecuencias e actuación tanto por parte de particulares como da administración.

Este 18 de decembro asistiron os alumnos de primeiro curso de STEMbach e ao longo deste curso realizarán prácticas de campo. O alumnado de segundo curso deste centro recibiu unha charla formativa e realizou prácticas de mostraxe dentro deste programa de innovación educativa para loitar contra os incendios o pasado curso.

Álbum: Sen categoría -> Plantando cara ao lume

A TÁBOA PERIÓDICA: SERVE HOXE

Lun, 02/12/2019 - 22:58

Charla maxistral impartida por Manuel Bermejo Patiño, profesor emérito da USC do Departamento de Química Inorgánica.

O investigador e divulgador destacou a vixencia da táboa periódica na aula para facer predicións da reactividade e propiedades dos elementos. Tamén destacou a contribución da química ao estado de benestar actual e falou dos retos dos futuros químicos: ambiente, enerxía,…

Este 27 de novembro asistiron os alumnos de STEMbach, xunto con outros alumnos, profesores e ex profesores de diferentes centros e niveis educativos. Tamén se fixo a presentación ao público da lámina da táboa periódica segundo Mendeleev atopada no noso IES de finais do século XIX, restaurada polo Mupega e que se exporá no museo do Lucus Augusti.

Álbum: Stembach2019/21 -> Conferencia de Bermejo

NANOCIENCIA NO ANO INTERNACIONAL DA TÁBOA PERIÓDICA

Xov, 21/11/2019 - 13:56

Charla maxistral impartida no edificio multiusos da Xunta de Galicia por Luis Liz Marzán, profesor Iberbasque e director científico de CICbiomaGUNE en San Sebastián, co gallo do día da ciencia en galego.

Partindo da táboa periódica e dos elementos químicos descubertos por españois, este lucense falou dos elementos máis importantes para a nanociencia. Concretamente, falou do carbono (grafeno, nanotubos, fullerenos,…), do silicio (e a lei de Moore) e do ouro (tanto da súa investigación, que permite axustar a morfoloxía e cor de nanopartículas deste metal, como dunha síntese sinxela destas partículas que podería facerse nun laboratorio de secundaria).

Este 8 de novembro, despois do recreo, asistiron os alumnos de segundo A de BAC e STEMbach. Os veteranos do STEMbach xa asistiron o curso pasado a outra charla semellante deste poñente e distinguido científico a nivel internacional, que tamén foi alumno do noso instituto.

Álbum: Stembach2019/21 -> Liz Marzán

A física de partículas e a miña experiencia no CERN

Dom, 03/11/2019 - 22:54

Charla maxistral impartida por Silvia Goy López, doutora en física do CIEMAT, que traballa no detector de partículas CMS do CERN.
Partindo do descubrimento das partículas por orde cronolóxica, esta lucense contou a súa experiencia nesta organización europea para a investigación nuclear.
Este 16 de outubro asistiron os alumnos de primeiro e segundo curso de STEMbach. Os alumnos veteranos deste bacharelato xa recibiron no curso pasado tres charlas sobre a física de partículas, impartidas polos poñentes Alejandro Vilar López, Alexandre Brea Rodríguez e Néstor Armesto Pérez.
Ler máis.

Álbum: Stembach2019/21 -> Conferencia Silvia Goy

Unha visión científica da luz. O método científico

Dom, 03/11/2019 - 22:45

Charla maxistral impartida por Carlos Herrero Latorre, profesor da USC do Departamento de Química Analítica, Nutrición e Bromatoloxía.
Partindo da explicación do método científico, o profesor presentou a teoría da dualidade onda-corpúsculo para explicar a natureza da luz. Tamén explicou outros fundamentos e aplicacións actuais de técnicas espectroscópicas.
Este 9 de outubro asistiron os alumnos de primeiro curso de STEMbach, xa que os de segundo curso deste centro recibiron no outono do ano pasado unha charla similar do mesmo poñente, que abriu as actividades deste bacharelato.