O alumnado de 3º de ESO, por iniciativa da profe María Villanueva (Departamento de Bioloxía e Xeoloxía)  participou no día de hoxe na limpeza de lixo mariño da praia América, en Lourido, Nigrán. O noso alumnado compartiu a xornada de recollida con persoas da Asociación de dano cerebral Alento.
A actividade enmárcase no proxecto STOP AND HELP!  Que o lixo no chegue ao mar promovido polo Colexio de Biólogos de Galicia cuxo principal  obxectivo consiste en fomentar a conservación do patrimonio natural do Camiño de Santiago implicando tanto á poboación local como ás peregrinas e peregrinos, tecido asociativo etc.
O lixo recollido (un total de 27 quilos nunha hora) foi clasificado en diferentes categorías polos participantes, destacando a inxente cantidade de cabichas de tabaco encontradas. Plásticos de todo tipo, máscaras covid, botellas, e mesmo unha dentadura postiza completaron o arsenal recollido.
Cos restos obtidos realizarase unha intervención artística final levada a cabo por reputadas personalidades do mundo da arte en Galicia que será exposta no Centro de Visitantes do Parque Nacional Marítimo-Terrestre das Illas Atlánticas deGalicia coa finalidade de servir de memoria viva na loita contra os lixos mariños e as súas consecuencias sobre o medio ambiente.

Podes ver máis imaxes AQUÍ

O IES Plurilingüe Antón Losada Diéguez repartiu entre o seus alumnos e alumnas cen plantas de fresa para ser cultivadas por eles, nos seus domicilios, dentro do proxecto “Vigilantes del Aire” da fundación IBERCIVIS de Zaragoza, coa que colabora o Instituto Pireanico de Ecoloxía (IPE-CSIC) e a Fundación para a Ciencia e a Tecnoloxía (FCYT-Ministerio de Ciencia e Innovación). Foi o alumnado de 2º de Bacharelato o encargado de facer chegar as macetas aos seus compañeiros máis novos. A actividade está promovida polo Departamento de Ciencias Naturais do Losada.

As plantas van ser utilizadas para (bio)monitorizar a contaminación ambiental, xa que acumulan nas súas follas as partículas presentes no aire. A concentración dos contaminantes está relacionada co volume de tráfico, sendo os gases dos tubos de escape, o desgaste dos freos e a corrosión do motor as fontes de emisión principais. Dentro de dous meses aproximadamente, cada alumno enviará mostras das follas da súa planta, previamente localizada xeograficamente,  para ser analizadas con métodos magnéticos. Os datos obtidos serán comunicados a cada “coidador” e sumaranse aos recollidos noutros dezasete puntos de España para elaborar mapas de contaminación. Con este proxecto amósase como a cidadanía pode contribuír activamente ao coñecemento científico sen necesidade, coma neste caso, de complicados dispositivos electrónicos ou coñecementos previos aínda que si coa responsabilidade e o compromiso de cumprir os requirimentos demandados.

Páxina web do proxecto

Pode consultarse a programación adaptada no seguinte enlace:

PROGRAMACIÓN ADAPTADA BIOLOXÍA E XEOLOXÍA

A nosa alumna de 1º bacharelato, Sheila Carbia Tejo, foi seleccionadada entre máis de 4000 aspirantes para participar nun campus científico durante o mes de xullo na Universidade de Murcia (Campus Mare Nostrum). Sheila incorporarase ao proxecto Alimentos para una vida saludable con una visión científica do Departamento de Tecnoloxía dos Alimentos, Nutrición e Bromatoloxía desta universidade xunto a outros estudantes de toda España.

Estes campamentos están organizados pola Fundación Española para la Ciencia y la Tecnología para fomentar o interese pola ciencia e iniciar aos alumnos de 4º ESO e Bacharelato no traballo científico; ademais, ao aloxarase nunha residencia universitaria,  achéganse á que será no futuro a súa vida de estudante.

Parabéns a Sheila e aos seus profesores!

Todos os alumnos de Ciencias para o Mundo Contemporáneo, de 1º Bacharelato, saben xa quen foi Ramón Verea. Pode que a algún deles e a algún outro lle apeteza coñecer mellor a este estradense de pro do século XIX, saiban que neste enlace:

El Progreso

poden consultar 18 números do xornal El Progreso, editado por el en Nova Iorque. En concreto podedes ler, copiar ó voso ordenador ou imprimir os 18 primeiros números, dende o que saiu o un de xaneiro de 1884 ata o publicado en xuño de 1885. Neles podedes atopar noticias de ciencia e tecnoloxía, con algún invento tan curioso coma práctico, e se non, vede a máquina de coser autoventilada que mostra nun dos seus números, por certo, cun comentario que hoxe moitos calificarían de feminista:

No xardín do noso instituto medra unha fermosa colonia de Amanita muscaria, un dos cogumelos máis fermosos dos máis de 50.000 catalogados ata o presente (http://es.wikipedia.org/wiki/Número_de_especies) que se ben é tóxico tamén é certo que é enormemente útil pois coopera coas árbores no seu crecemento, pon a disposición das plantas a materia orgánica morta, sirve de alimento a outros seres vivos, etc. Cando a vexas, desfruta da súa fermosura pero non pretendas comela!

O blog das alumnas de 4º de Diversificación, TIVERA, centrado na Ciencia e Tecnoloxía, foi incluído entre os blogs de referencia do Programa Prensa Escuela de La Voz de Galicia, é dicir, aqueles blogs que poden ser útiles para outros blogueiros do programas.

No seguinte enlace, podedes ver a selección de blogs onde figura o blog Tivera entre outros:

http://www.prensaescuela.es/web/gallego/blogs/listarblogs.php?idtipo=4

e, neste outro, podedes acceder directamente ó blog TIVERA:

http://blogs.lavozdelaescuela.es/blog/blog2739/