Xogade

Os días 12, 13 e 14 de abril, na localidade vallisoletana de Portillo, celebrouse Campionato de España de Centros Escolares de Orientación (CECEO). Esta foi a primeira vez que o noso instituto participou nun evento de categoría nacional neste deporte, despois de varios cursos competindo nas fases provinciais e autonómicas.

A expedición estivo formada por cinco equipos (23 alumnas e alumnos) e dúas profesoras, Luisa Felpeto e Belén García, que contaron coa inestimable axuda de Fabián.

O programa empezou o venres cun sprint nocturno, continuando o sábado coa proba intermedia e os relevos da amizade. A competición finalizou o domingo coa proba de relevos clásicos. No CECEO participaron alumnas e alumnos de distintos centros escolares de España.

A nosa alumna de 4º de ESO Sara Nogueras Porto gañou a carreira de distancia sprint e subiu ao terceiro posto do podio en distancia intermedia en categoría cadete. Na clasificación final por centros escolares as compoñentes da categoría Infantil feminina obtiveron un meritorio cuarto posto e as alumnas da categoría cadete feminina quedaron quintas.

Os alumnos Dani Fernández e Miguel López formaron parte dos equipos gañadores da proba lúdica dos relevos da amizade. 

Felicitamos a todo o grupo polo seu esforzo, a súa mentalidade positiva e a súa capacidade de aprendizaxe. Estamos moi orgullosas de todo o grupo e sabemos que esta experiencia axudará ao voso crecemento persoal, ademáis foi para nós un pracer compartir tantas vivencias inolvidables convosco. Esperamos poder repetir o vindeiro ano!

Os días 4 e 5 de xuño o alumnado de 2º de ESO participou nunha saída de actividades na natureza á illa de Ons organizada polo departamento de EF do noso instituto. Participaron en xogos de presentación, practicaron actividades deportivas na praia, desfrutaron dun divertido xogo nocturno no exterior, realizaron unha espectacular ruta de sendeirismo e fixeron os pracenteiros desprazamentos en catamarán. O grupo de 64 alumnos e alumnas asistiu a esta actividade dirixido polos seus profesores/as Mª Carmen, Nati, Antonio e Luisa.

Os días 10 e 11 de maio o alumnado de 1o de ESO participou nunha saída de actividades na natureza á estación de montaña Manzaneda organizada polo departamento de EF do noso instituto.

Realizaron actividades de multiaventura, tiro con arco, orientación, construcción de vivacs, actividades na piscina, actividades deportivas exteriores e interiores, sendeirismo e baile na discoteca. O grupo de 78 alumnos e alumnas asistiu a esta actividade dirixido polos seus profesores/as Andrea, Luis, Jose Antonio e Luisa.

O xoves 23 de marzo un grupo de alumnas e e alumnos do noso centro participou no Campionato Provincial de Orientación. Esta competición está incluída dentro do proxecto de Promoción de Vida Activa e Saudable (Proxecta: Xogade) dirixido polo departamento de EF e no que participa o departamento de Relixión.

O noso instituto competiu con 61 alumnos/as acompañados por Miguel, Vanessa, Nati e Luisa. A carreira, tivo lugar no Campus Universitario, cun mapa específico de orientación e catro percorridos distintos por categorías.

Compartimos unha estupenda xornada de deporte e convivencia e felicitamos a todo o noso alumnado pola súa actitude positiva, de esforzo e aprendizaxe. Imos mellorando ano a ano e cada vez sodes máis alumnos/as os que con concentración e persistencia rematades o percorrido sen erros.

Noraboa aos que ademáis acadaron resultados que lles permitiron estar nos primeiros postos das súas categorías. Amosamos a continuación a clasificación individual de todo o alumnado e a clasificación por equipos, grazas á cal poderemos representar ao noso instituto no Campionato Autonómico (Ourense, 6 de maio) cun equipo en cada unha das categorías.

Podes ver as clasificacións completas e máis fotografías no ficheiro anexo

O ficheiro adxunto contén as actividades desenvolvidas da Unidade Didáctica deseñada para o deporte de orientación escolar dentro do programa da materia de Educación Física.