Inclúe-T

Co obxectivo de colaborar na construcción dunha sociedade respectuosa e inclusiva, dende a materia de Relixión Católica realizanse actividades como a celebración do día do autismo o 2 de abril. No ano 2024 o lema para este día é “unha viaxe feliz pola vida”.

Dende a sensibilización e a concienciación sobre o trastorno do espectro do autismo (TEA) o alumnado de Relixión Católica do Leiras Pulpeiro fixo na aula unha actividade que consistía na elaboración de lazos de cartulina de cor amarela, bermella, azul claro e azul escuro, como símbolos de unión entre os compañeiros e compañeiras, que expresaban mensaxes en pictogramas de: igualdade, respecto, tolerancia, alegría, empatía, xustiza, atención, inclusión, etc. Co desexo de que chegasen a todos e todas colocáronse nos corredores do centro educativo.

Desde hai xa varios anos, seguimos promocionando o xadrez como ferramenta educativa no noso instituto remarcando o seu potencial no ámbito da inclusión. Desta volta, organizamos dúas xornadas de campaña nos grupos de 1º da ESO consistentes en talleres de iniciación por parte de dous monitores da Escola Luguesa de Xadrez e da asociación Xaquedrum.

O xadrez é un elemento habitual no noso centro, na parte lúdica para os períodos de lecer e as gardas, mais tamén como elemento do que parten situacións de aprendizaxe curriculares. Con estas actuacións pretendemos que o siga sendo e que ademais de todo anteriormente dito, os valores que aglutina teñan un impacto positivo no ámbito da convivencia 

O equipo formado por Héctor Avalle, Arón Fernández, Nico García e Martín Casanova acadou a terceira posición ao vencer ao Clube Recatelo na última ronda da final do Torneo Xogade 2022 de Xadrez desputado o domingo 29 de maio. Pola súa banda, o equipo infantil formado por Juan López, Olmo Portomeñe, Iago Vázquez e Iago Baamonde tivo que conformarse cun cuarto posto nunha durísima categoria con varios xogadores que ostentan ranking internacional.

Lonxe da parte competitiva, o noso equipo mostrou a forza inclusiva que ten o xadrez sendo unha excelente representación do noso centro educativo, polo que lles damos as grazas polo seu compromiso, a súa ilusión e polo trofeo conseguido que pasa a formar parte das nosas vitrinas.

 Os nosos 8 xogadores

 Os infantís no match contra Viveiro

 Os cadetes, tamén contra os representantes da costa

Demostramos que ademais do xadrez, tamén dominamos o voleyball 

Traballo levado a cabo polo alumnado da aula TEA  empregando para elo a aplicación de STOP MOTION e eleborando manualmente os distintos elementos que no video aparecen