A aula TEA foi un espazo creado no ano 2010 co obxectivo de escolarizar alumnado con diagnóstico TEA. Os nosos alumnos escolarizanse en modalidade combinada entre a aula TEA e a aula ordinaria. O alumnado intégrase na aula ordinaria naquelas materias que mellor se adapte tendo en conta, principalmente, as súas competencias. A integración realízase xeralmente cunha das profesoras da aula TEA, quen lle reforzará e adaptará as explicacións e actividades realizadas na aula ordinaria.
Nesta aula TEA traballamos dúas profesoras de Pedagoxía Terapéutica con formación específica en TEA. Empregamos unha metodoloxía específica que parte das potencialidades e características deste alumnado:
Ensinanza estructurada (Organización espacial, Organización temporal, Anticipación, ...)
As dificultades no uso das funcións executivas son frecuentes entre o alumnado con TEA e precisan estratexias que contribúan a facilitar tanto a anticipación como a estructuración das actividades.
Na aula cada alumno dispón dun horario individual no que se anticipan as distintas actividades que se levarán a cabo durante cada xornada.
Ademáis a aula está estructurada en distintos espazos debidamente sinalados (de traballo, de tempo libre, de ordenadores...)
MétodoTEACCH
Facemos uso do método TEACCH para organizar o traballo diario de cada alumno de forma que conseguen traballar de xeito completamente autónomo.
Apoios visuais (debuxos, imaxes reais, pictogramas, mapas visuais, mapas conceptuais...)
Os apoios visuais son imprescindibles para traballar con este alumnado. Tanto para facilitar a comprensión das actividades académicas; para anticipar calquera circunstancia; como para explicar determinadas situacións cotiás. Sempre que se utilicen apoios visuais teremos que asegurarnos da súa axeitada comprensión. A capacidade de representación e abstración pode variar dunha persoa a outra.
Aprendizaxe sen erro
Esta estratexia metodolóxica contribue a minimizar a frustración. O alumnado TEA necesita os apoios necesarios para finalizar a actividade con éxito. Estos apoios iranse retirando a medida que se adquiran habilidades e se avance na tarefa.
Principio e fin
As actividades teñen un principio e un fin marcado.
Individualización e adaptación das actividades e tarefas
Os materiais elabóranse e individualízanse tendo en conta as características de cada alumno.
Aprendizaxe funcional favorecendo a súa xeneralización
Sempre que resulta posible inténtase que o alumnado poda percibir a utlidade da aprendizaxe na súa vida.
Asegurar a atención antes de comenzar a tarefa
Respétanse os seus tempos de atención co obxectivo de lograr una aprendizaxe máis efectiva e evitar a fatiga do alumnado.
Uso de rutinas.
As rutinas son fundamentais para que o noso alumnado se sinta tranquilo. Calquer imprevisto dentro das rutinas anticípase nos seus horarios.
Linguaxe clara e precisa.
Na linguaxe oral uso de estructuras sinxelas. As instrucións deben ser claras e mostrarse cos códigos que o alumno comparte, xa sexan pictográficos ou escritos. Na linguaxe escrita uso da lectura fácil e apoio visual.
Historias sociais
Faise uso das mesmas con debuxos en determinadas situacións que resultan difíciles de comprender.
Premack
O noso alumnado sempre segue a mesma estructura de traballo (realización de tarefas – tempo de libre). No tempo libre escollen que actividade lles apetece realizar.
