Fondo libros

A día 24 de xullo xa están publicadas as listaxes definitivas de Fondo de Libros.

Podes consultar o estado da túa solicitude de tres maneiras:

• Na aplicación Fondolibros con certificado dixital ou chave365
• No mesmo formulario de matrícula que usaches en xullo
• Na aula virtual do IES Leiras Pulpeiro

Os vales de material recolleranse en Secretaría a partir do día 2 de setembro.

Para entrar na Aula Virtual podes acceder co usuario e contrasinal do curso pasado.

Se eres novo/a no centro, o teu usuario será o teu nome e apelidos en minúscula sen espazos e o teu contrasinal a túa data de nacemento sen barras separadoras.

Exemplo: A alumna Ánxela Veiga da Costa nada o 5 de abril de 2008 terá:

usuario: anxelaveigadacosta

contrasinal: 05042008

Como medida de seguridade, terás que cambiar o contrasinal a primeira vez que entres.

Unha vez dentro, figuras xa matriculado/a no curso Administración Alumnado.

Accede no dito curso á sección Fondo Libros 24-25

Facendo clic na tarefa accederás á información dentro do apartado comentarios:

Os libros serán entregados no inicio do curso escolar.

Faltan por repartir os libros seguinte, porque aínda non os recibimos:

Xeografía e Historia de 2ºESO

Matemáticas A de 4ºESO

Bioloxía de 4ºESO

Cando os teñamos, repartirémolos en clase.

Ante as dúbidas xurdidas nos últimos días sobre o reparto de cheques de material, queremos aclarar o seguinte, que xa foi publicado xunto coa convocatoria no mes de maio:

Hai que fixarse en que aínda que non se teña dereito a libros nin a cheque, pode que sobren libros, e repártanse igualmente ata esgotalos todos. Isto só pode acontecer este ano nos cursos 1ºESO e 3ºESO, porque en 2º e 4º renováronse todos, e non hai ningún libro sobrante.

Pode haber casos en que se entreguen libros, pero non teñan vale?

SI, en caso de que a renta per cápita supere os 10.000€, pero que teñan a sorte de que sobren libros do fondo e reciban entre 1 e 6 libros, pola simple razón de que haxa máis libros no fondo que solicitudes.

Publicamos hoxe día 12 de xullo de 2024 as listaxes provisionais de admitidos e excluídos de fondolibros e vales de 60 ou 75€.

Pódese consultar na conserxería do centro ou na web de fondolibros con certificado dixital ou Chave365. Tamén se pode chamar ao centro para consultar.

ADMITIDOS:

• Con dereito a 6 libros:
• 1º ESO: Lengua castellana, historia, matemáticas, bioloxía, inglés, galego.
  
• 2º ESO: Historia, matemáticas, física e química, inglés, lengua, galego.
  
• 3º ESO: agardar ás definitivas
  
• 4º ESO: agardar ás definitivas
• Con dereito a 4 libros:
• 1º ESO: depende dos que sobren (agardar á lista definitiva).
• 2º ESO: Historia, matemáticas, física e química, inglés.
• 3º ESO: depende dos que sobren (agardar á lista definitiva).
• 4º ESO: Historia, matemáticas, lengua, inglés.

Se na lista saen 4 libros, o cheque será de 60€.
Se na lista saen 6 libros, o cheque será de 75€.

A lista definitiva, cos libros concretos que lles toca cada un publicarase o día 19 de xullo.

Os libros repartiranse en setembro.

EXCLUÍDOS:

• Excluídos porque "Falta matrícula ou o curso é incorrecto", é debido a que non se formalizou a matrícula no prazo establecido (remotou o 7 de xullo).
  
• Excluídos por "Devolución libros non conforme", non hai nada que explicar: hai que devolver todos os libros a final de curso. Se non, pérdese o dereito no seguinte curso.
  
• Excluídos porque "Falta documentación ou validación do centro", preguntade en secretaría.

Hai de prazo ata o día 18 de xullo para solventar os excluídos.