Novas Lingua galega e literatura

Podcasts feitos polo alumnado de 4ºESO, baixo a dirección de Inma Gayoso

00:00 Sabela Barreiro (Rafael Dieste)
06:00 Martín Casanova (Luis Seoane)

Este ano o noso alumnado está a destacar especialmente no eido literario. Deste feito dá fe o blogue do EDLG que é quen nos achega as novas dos premiados e premiadas nos certames que se organizan durante o curso escolar.

Desta volta, tivemos unha excelente representación entre os convidados ao evento Encontro de Novas Voces celebrado n'O Vello Cárcere, que contou coa dirección dos escritores Xesús Fraga e Iolanda Castaño.

Dentro dos nosos programas educativos, os departamentos de linguas quixeron seguir estimulando a escritura creativa con dous obradoiros. Terán lugar esta semana e a que vén e serán impartidos por Antía Otero (poesía - galego) e Care Santos (narrativa - castelán) dirixidas a alumnado voluntario de 4º da ESO. Con certeza que seguirán mellorando a súa escrita e emocionándonos coas súas creacións.

Ola!

Despois de doce semanas de traballo seguido, hoxe deixámosvos as solucións dos derradeiros exercicios deste curso para que os corrixades. 

Moitas grazas a todas e todos os que cada semana estivestes aí, facendo as tarefas nas circunstancias que todos coñecemos, ten moito mérito.

Seguimos en contacto por correo electrónico para calquera tipo de información que vos teñamos que dar e para calquera dúbida que teñades que consultar.

Bo traballo!

Ola a todas e todos:

Coma sempre, nos arquivos cos niveis tedes as solucións das tarefas desta semana e no último, as tarefas para a seguinte.

Pasade unha estupenda fin de semana.

Para festexar estas Letras Galegas tan peculiares coma as que deste ano, temos unhas propostas que vos van gustar, que vos parece un escape room? Non tedes máis que ollar no arquivo das tarefas, despois coma sempre, tedes os solucionarios desta semana para que corrixades vós mesmos os traballos que realizastes esta semana.

Feliz Semana das Letras Galegas!