Club de lectura

Entre as actividades que se desenvolven no noso centro educativo destaca, pola súa lonxevidade e alta participación, o Club de Lectura Sénior, que recentemente se reuniu na nosa biblioteca para conversar ao redor da novela de John Berger Hacia la Boda.

Este curso, ademais, quixemos darlle un pulo á mellora da comprensión lectora do noso alumnado a partir da iniciativa Hora de Ler na que participa cada día os rapaces e rapazas de 2º da ESO.

Desexamos que esta atmosfera lectora envolva a todo instituto e que aprendamos a compartir o que os libros nos ofrecen.

En coordinación co CLUB DE LECTURA do centro organizamos unha charla para presentar materiais da nosa BIBLIOTECA, relacionados coa novela gráfica e a banda deseñada en xeral, ao alumnado de 4º de ESO.

Todas as obras presentadas compartían como eixos da narración a muller e as súas circunstancias e, a maior parte delas, tamén tiñan a mulleres por autoras.

@s presentes na charla amosaron coas súas preguntas interese polas obras e pola temática abordada nalgunhas delas, das que tamén destacaron a súa calidade plástica.