Equipo de Igualdade

Estamos a punto de rematar o curso e queremos facer memoria de todo o que aconteceu neste ano académico 23-24 desde o Equipo de Igualdade.

Tres eixes temáticos vertebraron o traballo deste curso: Educación sexual, estereotipos sexistas e violencia machista.

Densenvolvimos un total de 24 talleres e charlas destinados aos cursos de 1º ESO (8 charlas-obradoiro), 3º ESO (4 charlas-obradoiro) e 4º ESO (12 charlas-obradoiros).

Participamos no programa "Ti elixes", cun total de 4 obradoiros destinados a  4º ESO. Tamén nese contexto co motivo do 11 de Febreiro (día da Muller e a Nena na Ciencia) desde todas as materias se organizaron actividades facendo visibles as mulleres invisibles pola historia.

Ademais conmemoramos o 25N (Día contra a violencia machista), 8M (Día da muller traballadora) e puxemos en marcha desde xaneiro as tertulias feministas os venres no recreo.

Aínda queda moito por facer, pero agardamos que todo este esforzo serva para lograr unha desexada sociedade igualitaria desde o noso alumnado.