Simulacro de Emerxencia e Evacuación

O pasado xoves 4 de novembro ás 10:45h tivo lugar no noso centro educativo un simulacro de emerxencia e evacuación.

Simulouse un incendio no Laboratorio de Química situado no segundo andar. Saltou a alarma, comprobouse a necesidade de evacuar e deuse o sinal de triple timbre co que se chamaba á saída do edificio cara a pista do patio (Punto de Encontro), seguindo os itinerarios fixados no noso Plan de Auto-Protección.

O centro evacuouse en 7 minutos desde que se activou a alarma, cos tempos de resposta que figuran na seguinte táboa:

Para vindeiras ocasións debemos desconectar a alarma antes de facer soar o triple timbre, xa que nalgún punto de edificio non se escoitou.

Tamén debemos insistir ao alumnado en que alarma non indica evacuación e que hai que esperar ao triple timbre, ter coidado en non deixar fiestras abertas e dispoñernos de maneira máis ordenada nos espazos asignados no punto de encontro.

Foi un simulacro moi necesario, do que se extraeron importantes conclusións e que, con certeza, contribuirá a sentir que traballamos cunha maior seguridade no noso centro educativo.