Desafío CalcuLeiras 2021

Enmarcado no Contrato-Programa para a Mellora da Competencia Matemática, esta actividade pretende completar o currículo propio da materia cun tempo de cálculo mental que lle permita ao alumnado mellorar e gañar confianza e auto-estima nesta disciplina matemática que segue a ser de grande utilidade pese a actual omnipresencia de dispositivos electrónicos. A metodoloxía de partida será a aplicación web http://mvilarinho.pythonanywhere.com/cmental onde se axustará o tempo para afrontar o Desafío. Comezarase con 12 segundos por exercicio e irase baixando a 10, 8, 6 e mesmo 4 segundos para determinar os desempates. Os/as 3 finalistas de cada curso recibirán premios en forma de vales-agasallo para intercambiar en librerías e  pasarán a grande final de 1º da ESO. Alí esperan trofeos e máis premios para os campións e campioas deste concurso.

O Contrato Programa complétase este mes de maio con obradoiros de Cálculo Mental a cargo do profesor Víctor Pollán para 2º da ESO e 3º de Aplicadas e unha conferencia do colaborador do CB Breogán Edgar Paz (pendente de confirmar) que achegará ao alumnado de 1º de BAC a aplicación da Estatística ao ámbito deportivo.