Novas Música

O Departamento de música informa de que está subindo material para todos os cursos da materia de música na aula virtual, dende onde podedes descargar as actividades.

Por se algún alumno non consegue acceder á aula, o departamento irá tamén poñendo os arquivos nesta mesma páxina Web, excepto para o alunado de 2º de BAC, que terá todo a súa disposición na aula virtual. 

Entrade de vez en cando na aula do centro para ver se hai novidades.

Esperamos que todos vos atopedes ben e coa moral ben alta. 

Moito ánimo a todos e un abrazo.

Dende a COAEM (Confederación de Asociaciones de Educación Musical del Estado Español) se nos fai chegar unha proposta a todos os profes e alumnado de música que consiste en asomarse todos os días ás 12 da mañá ó noso balcón ou a unha fiestra para interpretar unha partitura sinxela que se publicará cada día.

Pódese tocar coa frauta doce, cun teclado eléctrico, cunha aplicación de teclado para móbil ou tablet, tarareando ou cantando, ou con calquera instrumento que saibades tocar ( guitarra, trompeta, gaita, clarinete...)  

Para participar só tes que seguir o hastag #musicaviral a diario e tocar a melodía proposta ás 12 do mediodía. 

Canta máis xente participe, máis se escoitará por toda a cidade conectándonos a todos a través da música.

¿Apúntaste?

Dende o departamento de música comunicamos a todo o alumnado que ten materias deste departamento, que podedes acceder á aula virtual, alí atoparedes contidos de repaso.

Para acceder tedes que estar rexistrados. Se non o estades ou non lembrades o contrasinal, debedes poñervos en contacto coa secretaría do Leiras.

secretaria.leiras@gmail.com

O Departamento de Música organiza unha saída a un concerto de percusión no MIHL o día 7 de abril pola mañá.

O pasado 3 de marzo tivemos a sorte de contar, un ano máis, coa visita do excelente conxunto vogal "Solo Voces", que nos deleitou cun concerto didáctico no que aprendimos moitísimas cousas sobre a evolución da música ao longo da Historia.

As súas harmonías vogais encheron o salón de actos do Leiras, ao igual que a súa simpatía. Aprendimos moito e, sobre todo, pasámolo moi ben.

Para acceder a todas a fotos e vídeos, preme aquí.