IES Leiras Pulpeiro

Complementarias

Actividades desenvolvidas dentro do horario lectivo habitual e nas instalacións do centro.

Simulacro de incendio no Leiras Pulpeiro

Dentro do Plan de Autoprotección do centro, onte, luns 4 de abril, levamos a cabo un simulacro de evacuación no instituto.

Simulabamos un incendio na sala das caldeiras. O alumnado, profesorado e persoal non docente, levou a cabo a evacuación do centro moi rapida e eficazmente. Cando chegaron os bombeiros, ambulancia e policía, todo o mundo xa estaba fóra dos edificios, no punto de encontro (o patio).

Noraboa a todas e a todos por ter levado a cabo todo o establecido no plan dun xeito tan exemplar. Aínda que nos mollamos un pouquiño, foi divertido, non si?

Grazas!!!

Día Mundial de Concienciación do Autismo: tod@s de AZUL!!!

Para celebrar o Día Mundial de Concienciación do Autismo (2 de abril), no Leiras Pulpeiro organizamos unha serie de actividades durante a semana anterior:

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Día Mundial de Concienciación sobre o Autismo no IES Leiras Pulpeiro

Día Mundial do AUTISMO - 2 de abril

O equipo da biblioteca convídavos a participar nas actividades que imos realizar para conmemorar o Día Mundial do AUTISMO.

Se queres saber que podes facer, entra en BIBLIOLEIRAS...

Xa comezou a viaxe fin de etapa de 4º de ESO

Escala en Zaragoza

O alumnado de 4° de ESO, acompañado por dúas profesoras, saíu hoxe de madrugada para Barcelona, iniciando a súa viaxe de fin de etapa. Esta tarde fixeron unha escala en Zaragoza.

Boa viaxe!

Actualización (30/03/2016):

CosmoCaixa Barcelona

CosmoCaixa Barcelona (Museo da Ciencia)

Sagrada Familia

(Preme aquí para ver as fotos a maior tamaño)

Actualización (30/03/2016):

CosmoCaixa Barcelona

CosmoCaixa Barcelona (Museo da Ciencia)

Sagrada Familia

(Preme aquí para ver as fotos a maior tamaño)

Actualización (02/04/2016):



Circo romano de Tárraco (Tarragona)
Museo de Ciencias Naturais (Barcelona)

(Preme aquí para ver as fotos a maior tamaño)

Viaxe a Bruselas cancelada

Ante os últimos acontecementos acaecidos en Bruselas, dende o centro temos contactado telefonicamente coas familias do alumnado inscrito na excursión de 1° de Bacharelato a esa cidade.

Tendo en conta:

que a maior parte dos pais e nais prefiren que a excursión se cancele

que o compromiso establecido co Parlamento Europeo para que a subvencione implica ter un número mínimo de alumnos/as visitantes

que cun número moi baixo de alumnos/as elevaríase enormemente o prezo da excursión

que en Bruselas está decretada a alerta máxima e a viaxe sería dentro de poucos días, o cal suporía un risco para os/as participantes

Informamos:

que a excursión QUEDA CANCELADA

Grazas.

CAMPIONATO PROVINCIAL DE ORIENTACIÓN

Participantes Orientación Provincial

O pasado día 10 de marzo un grupo de alumnos e alumnas do Leiras participou no Campionato Provincial de deporte de Orientación.

A proba tivo lugar na zona do parque Rosalía de Castro e acudiron uns 400 escolares de toda a provincia. Do noso centro desplazáronse 50 deportistas, que disfrutaron desta xornada e aos que felicitamos tanto polo seu comportamento como pola súa actuación.

En canto a resultados, nomeamos aquí aos alumnos e alumnas que conseguiron podium. Felicidades!!


Jimena, de 1ºA Campiona Categoría infantil feminina	Aitor, de 1ºB Campión Categoría infantil masculina

Marina, de 3ºC Subcampiona Categoría cadete feminina	Miguel, de 3ºB Subcampión Categoría cadete masculina

Departamento de EF

Rosalía para todas e para todos

No IES Leiras Pulpeiro todo o alumnado pode desfrutar de Rosalía.

Rosalía tamén se pode ler e escoitar con pictogramas:

Estivemos en Santiago co Dr. Ángel Carracedo

O xoves 25 de febreiro, o alumnado e profesorado de Bioloxía de 2° de Bacharelato visitamos en Santiago de Compostela a Fundación Pública Galega de Medicina Xenómica e o Centro Nacional de Genotipado.

Tivemos o privilexo de ser guiados na visita polo Dr. Ángel Carracedo, quen nos tratou coa súa permanente afabilidade e respostou amablemente a todas as preguntas que lle formulamos.

O 5 de abril recibirémolo nós no Leiras Pulpeiro.

Grazas novamente, Ángel. Esperámoste!!!

Visita Ángel Carracedo_Santiago

Día de Rosalía

No IES LEIRAS PULPEIRO Rosalía está sempre viva.

Preme na imaxe se queres ver no noso blog "É un falar" o que fixemos o 24 de febreiro, Día de Rosalía...

Resolución do I Concurso de debuxo 'Logotipo AMPA Leiras Pulpeiro'

O pasado venres 19 de febreiro a directiva da AMPA fixo entrega dos premios do I Concurso de debuxo “LOGOTIPO AMPA LEIRAS PULPEIRO”.

Presentáronse excelentes traballos. O xurado otorgou tres premios, consistentes nun smartphone, unha tableta de 10" e unha de 7" para o primeiro, segundo e terceiro traballo seleccionado, respectivamente.

Ademais, o logotipo que acadou o primeiro premio será o que a AMPA utilizará a partir de agora en todos os seus materiais.

Estes son os logotipos premiados. Noraboa, rapazas!!!