Skip to Content

IES Leiras Pulpeiro

Taboleiro

Dúas alumnas, premiadas no 55º Concurso Coca-Cola de relato curto en lingua galega "Xóvenes talentos"

 

As nosas alumnas de 2º de ESO Patricia Barreiro e Iria Blanco acadaron o 2º e 3º premio provincial no 55º Concurso de relato curto en galego "Xóvenes talentos", organizado por Coca-Cola.

Ambas as dúas, xunto coa súa profesora Cristina Soto, foron recoller o seu premio o pasado venres 22 de maio ao Parador de Baiona, un precioso lugar para tan emocionante acto.

Parabéns, Patricia e Iria!!!

Premendo aquí podedes acceder ás fotos.

Máis información: BaionaTV, Consellería de Cultura, Educación e O.U., Concurso Coca-Cola.

 

David Pintor visita o Leiras Pulpeiro

O pasado xoves, 30 de abril, recibimos a visita de David Pintor. Foi unha charla moi interesante e puidemos ver en vivo e en directo como se fai unha caricatura. Aprendimos moito de todo o que nos contou.

Podedes ver todo en BIBLIOLEIRAS.

Falan para nós

No IES Leiras Pulpeiro temos a sorte de coñecer a autores e autoras moi representativos da nosa literatura. Moitos deles deixáronnos as súas mensaxes escritas ou faladas para toda a comunidade educativa, e mesmo debuxaron as súas dedicatorias enm vivo e en directo.

Inauguramos unha nova páxina fixa no blog da biblioteca, chamada "Falan para nós", na que podedes ver os vídeos.

Probas para obter título Bacharelato para maiores de 20 anos

Convocadas probas para a obtención do título de Bacharelato para maiores de 20 anos. Prazo de inscrición dende o 31 de marzo ao 17 de abril. Probas 7 e 8 de maio. 

Convocatoria premendo nesta ligazón.

Convocadas probas de acceso aos CFGM e CFGS de Formación Profesional

ORDE do 17 de febreiro de 2015 pola que se convocan probas de acceso aos ciclos formativos de grao medio e de grao superior de formación profesional do sistema educativo para o ano 2015.

BIBLIOTECA: concurso "FEBREIRO, MES DO AMOR"

 

Participa no novo concurso da Biblioteca

Consulta as bases en Biblioleiras.

Dispoñibles os títulos de ESO, BAC e FP (anos 2012 e 2013)

Infórmase ao seguinte alumnado que pode pasar pola Secretaría do centro para recoller o seu título oficial:

  • alumnado que rematou os estudos de ESO ou Bacharelato no ano 2012
  • alumnado que rematou os estudos de ESO, Bacharelato ou FP no ano 2013

 

Resolución das axudas económicas para o alumnado que realiza as FCT

ORDE do 31 de decembro de 2014 pola que se fai pública a resolución das axudas económicas para o alumnado que realiza formación práctica en centros de traballo, convocadas pola Orde do 13 de maio de 2014.

http://www.xunta.es/dog/Publicados/2015/20150123/AnuncioG0164-160115-0001_gl.pdf

Día da Edición na Biblioteca do Leiras

        
Co gallo do Día da Edición, na nosa Biblioteca organizouse unha exposición de libros curiosos, entre os que se atopan:
 
- 1ª edicións de obras emblemáticas 
- Facsímiles
- Obras ilustradas por artistas universais
- Edicións especiais, con motivo dunha efeméride
- Exemplares con prólogo de maestros da literatura
- Libros “raros”...
 
Animámosvos a visitala: paga a pena. (Ligazón a Biblioleiras)
 
 
 
Asemade, o vindeiro mércores 17 de decembro, ás 12:20 h., o alumnado de 4º de ESO poderá asistir a unha charla de Isabel Soto e Alejandro Tobar, da editorial "Hugin e Munin", que publica traducións ao galego de obras de narrativa en lingua estranxeira.
 
 
 
 

Recollida de ordenadores vellos e funcionais para o alumnado

No IES Leiras Pulpeiro temos algúns alumnos e alumnas que non dispoñen de ordenador na súa casa. Se tedes un vello que aínda funcione e queredes desfacervos del, podedes contactar co centro chamando por teléfono e organizamos a entrega. Nós prepararemos ese ordenador co software necesario para que os novos propietarios poidan traballar adecuadamente con el.

As características mínimas son:

- Pentium IV ou equivalente.

- RAM 2 GB

- Disco duro: 40 GB

Moitas grazas no seu nome.

Distribuir contido


by Dr. Radut