Skip to Content

IES Leiras Pulpeiro

Complementarias

Actividades desenvolvidas dentro do horario lectivo habitual e nas instalacións do centro.

Premiadas no certame literario Entre Iguais

As nosas alumnas Andrea Vázquez Mosteiriz e Andrea Mª Gayoso Rodríguez recibiron o pasado día 28 o premio do certame literario "Entre Iguais", convocado pola Concellería de Igualdade de Lugo.

Noraboa por este novo éxito!!!

 

Fin de curso con pinchos

Fin curso 2016 Fin curso 2016

O mércores, derradeiro día lectivo, puidemos celebrar todo o esforzo feito ao longo do curso cuns pinchos organizados pola AMPA, que estivo tremendamente activa durante todo o ano.

Moitísimas grazas polo convite. Estaba todo boísimo!

Uns días fantásticos no Caurel

Caurel 2016

O alumnado de 3º de ESO pasou esta semana uns días fantásticos no Caurel, nunha actividade organizada polo Departamento de Xeografía e Historia. O tempo foi fantástico, así que puideron facer todas as marchas previstas por ese fantástico contorno natural e mesmo disfrutar a tope da piscina.

Moitas grazas a todos por portarvos tan ben e ao profesorado acompañante polo seu esforzo e dedicación.

Actualización 27/06/2016:

Aquí tedes unha montaxe fotográfica:

Caurel 2016 de IES Leiras Pulpeiro en Vimeo.

Apadriña un lector 2016

Como cada mes de xuño desde hai xa seis anos, estamos encantados de tender esta ponte entre o noso centro e o CEIP Casás. Os nenos e nenas de 5 anos do colexio viñeron coñecer aos seus padriños e madriñas. 

Se queres saber máis, preme nesta ligazón: "Apadriña un lector 2016" en Biblioleiras.

 

 

Apadriña un lector 2016 de IES Leiras Pulpeiro en Vimeo.

Presentación do noso centro nos CEIPs por parte do alumnado de 1º ESO

Presentación en Casás e Menéndez 1 Presentación en Casás e Menéndez 2

Algúns dos nosos alumnos de 1º da ESO amosando o noso centro ós aumnos de 6º do CEIP de Casás e CEIP Menéndez Pelayo, cunha exposición en inglés preparada por eles mesmos, grazas á colaboración das respectivas profesoras de inglés: Teresa e Ánxeles.

Podedes ver as fotos que utilizaron na presentación premendo nesta ligazón. Os textos levábanos memorizados.

3º Premio na II Olimpíada de tradución de textos clásicos

Na II Olimpíada de tradución de textos clásicos, cuxa entrega de premios tivo lugar o martes 3 de maio no salón de actos da Facultade de Filoloxía da USC, a alumna de 2º de Bacharelato, Inés Blanco Méndez, obtivo o terceiro premio de tradución de textos latinos. Á proba, que tivo lugar o pasado 7 de abril, tamén se presentaron Paula Portela Cabana e Alejandro Sánchez Cela.

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android 

Durante a xornada, o alumnado de 1º de Bacharelato participou activamente nun itinerario mitolóxico polas rúas de Santiago e en diferentes obradoiros organizados pola SEEC de Galicia:

- Obradoiro de caligrafía: aprenderon a escribir con cálamos e tinta nun papiro, como facían os antigos gregos e románs.

- Obradoiro de moda: vestíronse e pousaron coma modelos con vestimentas inspiradas na arte e na mitoloxía clásica.

- Obradoiro de música:  reflexionaron sobre a importancia da música na sociedade grega, coñeceron os principais instrumentos empregados polos gregos, comentaron algúns mitos relacionados coa música (Hermes a a lira, Pan e o deus Apolo...) e escoitaron algunha audición dos escasos fragmentos que se conservan.

- Obradoiro de xogos tradicionais románs: xogaron á peonza (turbo), dados (alea), ao tres en raia (tabula lusoria), ao aro (orbis), ás tabas (talus) etc... e amosaron os seus coñacementos de cultura clásica completando o rosco de "pasa o denario", unha versión divertida do televisivo pasapalabra.

Uxía Senlle e Magín Blanco cantaron a Manuel María

O venres, 29 de abril, a cantante Uxía Senlle e o músico Magín Blanco estiveron no noso centro presentándonos as cancións do seu disco "Canta o cuco", nas que lles poñen música aos poemas de Manuel María. 

Podes ver o ben que o pasamos na reportaxe de BIBLIOLEIRAS.

  

Día Internacional da Danza

O venres 29 de abril, Día Internacional da Danza, o alumnado do centro bailou no corredor central. Tivemos bailes modernos, bailes rexionais e mesmo un tango. Podedes velos nas ligazóns que hai debaixo do vídeo.

 

Vídeo 1 Vídeo 3 Vídeo 5
Vídeo 2 Vídeo 4 Vídeo 6

 

Un día de cine

Charla cine 1
Charla cine 2

O pasado venres 22 de abril, os alumnos e alumnas de Bacharelato compartimos unha interesantísima charla con tres cineastas galegos de primeira liña:

Jorge Coira, recente Premio Goya 2016 á mellor montaxe por El desconocido, director de largometraxes como El año de la garrapata ou 18 comidas e de series tan coñecidas como Padre Casares, Terra de Miranda, Luci, El comisario ou Pelotas.

Araceli Gonda, guionista de series como Luci (da que é coautora), Terra de Miranda, Padre Casares, A vida por diante ou Pazo de familia. Colaborou no guión de 18 comidas, película que recibíu 7 premios Mestre Mateo da Academia Galega do Audiovisual, incluído precisamente o de mellor guión.

Pepe Coira, que foi crítico cinematográfico e director do Centro Galego de Artes da Imaxe, profesor na Escola de Imaxe e Son e na Universidade da Coruña, guionista de programas de televisión como Extramuros ou Luces da cidade e Xefe de Desenvolvemento e Productor Executivo de Filmax TV.

Contáronnos como se crea unha largometraxe ou unha serie dende a idea xerminal que ten o guionista: a elaboración do guión, a preprodución, a rodaxe, a montaxe e toda a postprodución... Fixéronnos partícipes do seu amor polo cine, de cómo moitas veces o máis importante dun guión non son os diálogos, de como se descubren preciosos detalles cando se revisiona unha película...

Pasamos un rato fantástico escoitándoos e descubríronnos a súa profesión. Foron especialmente cercanos e familiares connosco... bueno, para algún alumno isto non é novidade ;)

Grazas por vir aos tres.

Carracedo e Rivas: Ciencia e Literatura no Leiras Pulpeiro

Esta semana foi excepcional no noso centro. Tivemos a dúas figuras de primeira liña connosco: Ángel Carracedo e Manuel Rivas.

Ciencia e Literatura... humanidade... a VIDA.

Ambos os dous uns comunicadores excepcionais... uns magos que nos hipnotizaron durante tantos minutos... Non podiamos deixar de escoitar...

Ambos os dous cunhas mensaxes cheas de humanidade. Unhas mensaxes ricas, que non esqueceremos.

O científico falou da vida e da morte, dos soños por cumprir... Das diferenzas tan pequenas que hai entre os seres humanos, que somos practicamente iguais (aínda que moitos opinen o contrario), e mesmo máis iguais entre nós que dúas formigas entre si.

O escritor falounos da biodiversidade e da guerra, do camiño percorrido cando escribe, da súa primeira lección de ética, do valor das linguas, do valor da nosa lingua...

Regalounos esta frase, unhas verbas verdadeiras:

"Nós abrimos un libro, pero o libro ten que abrirnos a nós".

Ambos os dous diferentes e complementarios, mais necesarios para nós.

Moitas grazas, Ángel e Manuel. Para nós foi un luxo estar convosco. Esperamos que volos dous desfrutarades tanto coma nós. Grazas!!!

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android 

 

 Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Distribuir contido


by Dr. Radut