Skip to Content

IES Leiras Pulpeiro

Equipo de Dinamización da Lingua Galega

Falan para nós

No IES Leiras Pulpeiro temos a sorte de coñecer a autores e autoras moi representativos da nosa literatura. Moitos deles deixáronnos as súas mensaxes escritas ou faladas para toda a comunidade educativa, e mesmo debuxaron as súas dedicatorias enm vivo e en directo.

Inauguramos unha nova páxina fixa no blog da biblioteca, chamada "Falan para nós", na que podedes ver os vídeos.

Visita de Xosé Neira Vilas

O pasado xoves 16 de abril tivemos a inmensa fortuna de poder contar coa presenza de D. Xosé Neira Vilas, que tivo a xenerosidade de facernos unha visita e charlar co alumnado de Bacharelato.

Os nosos alumnos e alumnas non esquecerán as súas palabras. Tiveron a oportunidade de estar cunha lenda da nosa literatura, que ademais demostrou a súa grande humanidade.

 
Nova en La Voz de Galicia

 

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Día Mundial do Teatro

Co gallo do Día Mundial do Teatro (27 de marzo de 2015) o alumnado de 4º de ESO deleitounos cunha representación teatral da obra “Asi foi, doutor”, de Suso de Toro. Pasamos un rato divertidísimo coas desventuras do pobre Xosé.

Podes ver a presentación de fotos ou visionar o vídeo desta breve e divertida obra.

Eu son Rosalía (Día de Rosalía)

O 24 de febreiro celebramos o Día de Rosalía como unha festa, cun recitado de poemas a cargo do alumnado de 3º de ESO. Despois, bailamos todos xuntos.

Pasámolo moi ben.

 

Ligazón á montaxe de fotos en Biblioleiras

Ligazón ao vídeo en É un falar

Rosalía Sempre Viva: noraboa, Alejandro

      

Alejandro Sánchez, de 1º de Bacharelato e Andrea Vázquez, de 3º de ESO, participaron, xunto con rapaces e rapazas de toda Galicia, no concurso de recitado de poemas "Rosalía sempre viva", organizado pola Casa Museo de Manuel María.

Alejandro resultou gañador na categoría de Bacharelaro co poema "Silencio". Noraboa, Alejandro.

Máis información e fotos en "É un falar".

Recitando a Manuel María na Cadena Ser

O Equipo de Dinamización da Lingua Galega sumouse á iniciativa da Cadena Ser "O Son da Nosa Fala" poñendo voz aos poemas de Manuel María.

O Son da Nosa Fala

(Preme na imaxe para ver ás fotos)

 

Distribuir contido


by Dr. Radut