O Concurso de Catrinas do IES Leiras Pulpeiro chega a súa terceira edición e, como en anos anteriores, o nivel amosado polo noso alumnado é excepcional.

As catrinas estiveron expostas no corredor do 2º andar e o profesorado do centro exerceu de xurado adoptando o seguinte ditame:

- Primeiro Premio

Antía Rodríguez Quintas

- Segundo Premio

Claire Carricoba Djarpan

- Terceiro Premio

 Noa Paradela Ascariz

Sofía López Pérez

As premiadas recibirón cadanseu feixe de Leiros, a moeda que emitimos para estas ocasións, que poderán canxear na cafetería por alimentos saudables.

Parabéns a todos os/as participantes!

Programa dedicado ao rock ochentero, pero feito por grupos actuais.

Dirección: Félix, José Manuel
Locutores: Félix, José Manuel
Control: Xabi

Entre as actividades que se desenvolven no noso centro educativo destaca, pola súa lonxevidade e alta participación, o Club de Lectura Sénior, que recentemente se reuniu na nosa biblioteca para conversar ao redor da novela de John Berger Hacia la Boda.

Este curso, ademais, quixemos darlle un pulo á mellora da comprensión lectora do noso alumnado a partir da iniciativa Hora de Ler na que participa cada día os rapaces e rapazas de 2º da ESO.

Desexamos que esta atmosfera lectora envolva a todo instituto e que aprendamos a compartir o que os libros nos ofrecen.

Sabías que un cigarro, e o fume que se desprende na súa combustión, poden conter máis de 4.000 substancias químicas, 70 delas altamente tóxicas e canceríxenas? De saber isto e os graves efectos que pode ter o tabaquismo sobre a túa saúde seguro que o pensarías dúas veces antes de probar un cigarro por primeira vez ou de seguir co hábito.

Aínda non estás convencido de que non debes fumar? Aí van máis datos: segundo o Ministerio de Sanidade, o tabaco é o causante de máis de 50.000 mortes ao ano en España, ademais, o seu consumo asóciase á aparición de enfermidades como o cancro de pulmón, enfermidades cardiovasculares, EPOC ou diabetes; a esperanza de vida das persoas fumadoras é duns 10 anos menos que a dos non fumadores; a nicotina é a substancia adictiva máis consumida, por detrás do alcol.

Sobran razóns para non fumar e dende o IES Leiras Pulpeiro queremos convencer ao noso alumnado de que non comece a facelo. Por iso este ano, coa participación de todos os titores e titoras de 1º e 2º da ESO, poñemos en marcha o Plan Proxecta “Clases sen fume”. Un concurso educativo para a prevención do tabaquismo, dirixido a escolares de entre 12 a 14 anos, idade na que se dan os primeiros contactos co tabaco. Durante alomenos 6 meses, o alumnado debe adquirir o compromiso individual e colectivo de toda a aula de non fumar.

Para arrancar o Proxecto durante a semana pasada, en colaboración con Cruz Vermella, impartíronse charlas de prevención do tabaquismo a todo o alumnado de 1º e 2º da ESO. A poñente, Claudia, explicoulles aos nosos estudantes cuestións fundamentais como os compoñentes do tabaco, os danos derivados do mesmo, os tipos de fumadores e as diferenzas entre o consumo experimental, esporádico e habitual, ademais de resolver todas as súas dúbidas.

Este só foi o punto de inicio a toda unha serie de actividades que se desenvolverán ao longo do curso durante as sesións de titoría, como a elaboración dun slogan para convencer aos mozos e mozas para non comezar a fumar ou o desenvolvemento de actividades creativas en relación á prevención do tabaquismo, das que iremos dando conta en vindeiras publicacións.