Os rapaces e rapazas de 4 anos que achegan e ilustran fantásticamente a lenda de Sabeliña e a moura para os noso proxecto.

O derradeiro día lectivo do primeiro trimestre, o xoves 21 de decembro, adicamos parte da xornada a fortalecer os lazos entre o alumnado participante no programa TEI por medio de xogos populares e tradicionais.

Xa temos logo do proxecto Tunnel of Time. Os votos dos participantes españois, fineses, franceses  e turcos resultaron na elección, de entre os tres seleccionados en cada país, do logo dunha estudante finesa como logotipo oficial do proxecto no que participa o IES Laxeiro. Este é o elixido:

Días atrás as nenas e nenos de Educación Infantil do CEIP M. Rivero aprenderon e divertíronse coas historias de O carballo con botas, contadas de primeira man polo seu autor Anxo Moure. Son historias que defenden os bosques de carballos, teixos, bidueiros... e tentan fomentar o coidado do noso hábitat natural, frecuentemente ameazado desde diversas frontes.
Na posta en escena participaron Zerua, Lucía e Brais, de 3º de ESO, nunha lucida actuación xunto con Anxo, para ledicia dos cativos e cativas.
A sesión de contacontos está vinculada á colaboración das profesoras e alumnado do M. Rivero co IES Laxeiro dentro do marco do proxecto Erasmus+ Tunnel of Time
 

O alumnado de 3º e 4º de ESO participou no deseño dun logotipo destinado a ser a imaxe representativa do proxecto Tunnel of Time. Velaquí unha mostra do proceso e dos logos presentados.

O xurado, composto por catro alumnos-as de bacharelato e tres profesores, elixiu como finalistas

Nestes días de outono contamos coa visita de Sabrina Jürgs, profesora no Auguste Viktoria Schule, un Gymnasium ubicado na cidade alemá de Itzehoe, no Bundesland Schleswig-Holstein Sabrina ensina Español, Inglés e Educación Física a alumnas e alumnos dun nivel educactivo equivalente ao noso bacharelato. A súa estancia no IES Laxeiro ten lugar dentro do programa PAD, nunha acción formativa similar ao job shadowing, un período de observación profesional coa intención de coñecer a nosa práctica educativa e a lingua española falada no noso país (e de paso algo de galego). Neste dúas semanas acompañou a algúns dos nosos docentes, fundamentalmente os correspondentes ás súas materias. Un bo xeito de aprender e intercambiar ideas así como de ampliar os vencellos europeos.

Alumnas e alumnos de 3º de ESO do IES Laxeiro, moitos deles membros do Club de Lectura do centro, visitaron hoxe as aulas de Educación Infantil do CEIP Manuel Rivero, no marco do proxecto Tunnel of Time. Hoxe levaron a cabo unha amena actividade introdutoria cos nenos e nenas de Educación Infantil do M. Rivero. Nunha sesión de contacontos, o alumnado do IES Laxeiro púxolle voz a contos e historias ilustrados que atentamente escoitaron os máis de 70 cativos e que supón o prefacio para próximas actividades conxuntas, na que contan tamén coa inestimable colaboración das profesoras do colexio.
Todas estas experiencias serán postas en común entre os estudantes dos distintos países e servirán para reflexionar e debater arredor dos temas do proxecto de cooperación. Proximamente, alumnado do IES Laxeiro visitará Marmara Ortaokulu (Tekirdağ, Turquía) e en maio está prevista unha visita a Lalín dos estudantes dos tres países que integran a asociación.

 Este venres, 13 de outubro, as alumnoas e alumnos de 1º de ESO xunto cos seus profesores e profesoras participaron nunha Xornada de Convivencia, co fin de facilitar o coñecemento e cohesión do alumnado, que provén de diferentes centros de Primaria e tamén establecer relacións de proximidade cos distintos profesores. Unha andaina pola Devesa de Moa permitiulles compartir conversa e camiñata, e coñecer as excelencias naturais desta paraxe, da que cabe destacar a súa ampla biodiversidade botánica e zoolóxica. Unha agrabable xornada para todos e todas.

No día de hoxe visitamos a residencia As Dores, no marco do proxecto Erasmus+ Tunnel of Time. Unha toma de contacto dentro deste proxecto de colaboración cos tres países socios, Finlandia, Francia e Turquía. As actividades do proxecto levaranse a cabo dun modo parello nos tres países para logo compartir as experiencias. Xa que vivimos nun mundo cada vez máis interconectado, globalizado, onde cada vez nos movemos máis, é importante coñecer outras culturas, outras linguas e adquirir habilidades sociais, para a vida. Somos cidadáns europeos que temos ou teremos a posibilidade de traballar e vivir noutros países.  E por iso queremos cooperar con xente doutros países pero tamén con persoas do noso pobo, de diferentes idades, achegándose a cultura e valores propios. Coñecer á residencia e os seus residentes é un primeiro paso.
A experiencia que teñen acumulado os nosos maiores supón unha achega significativa para analizar como as habilidades necesarias no mundo laboral teñen evolucionado. O papel das mulleres nese mundo laboral e na vida en xeral tamén en cambiado e eles pódennos contar como ten cambiado. E que todo iso nos poida servir para un futuro proveitoso.
Unha alegre presentación cun colofón musical onde os nosos alumnos e alumnas e o coro d’As Dores intercambiaron e compartiron populares pezas musicais. Grazas pola colaboración e acollida!

O IES Laxeiro foi seleccionado para desenvolver, en calidade de socio, un proxecto de aprendizaxe e mobilidade Erasmus+ para o persoal docente e alumnas e alumnos do centro durante os próximos cursos 2017/18 e 2018/19. O proxecto, titulado Tunnel of time, conta con financiación da Comisión Europea e foi escollido logo dun complexo proceso de avaliación por parte da axencia nacional finesa, país que actúa como coordinador.

O proxecto conta coa participación de profesores e estudantes dos seguintes centros:

• Jynkänlahden Koulu (Kuopio, Finlandia),
• Collège Marthe Dupeyron (Langogne, Francia)
• Şehit Mehmet Şengül Ortaokulu (Tekirdağ, Turquía)
• IES Laxeiro (Lalín, España)

Tunnel of Time nace coa idea de impulsar la adquisición de habilidades e competencias de calidade así como favorecer a interculturalidade, a inclusión social e o multilingüismo. Este proxecto inclúe unha serie de actividades a realizar en cada centro e en coordinación e comunicación cos socios así como reunións periódicas cos profesores e alumnos dos outros centros.

O proxecto aborda dous temas principais: a igualdade entre homes e mulleres e as habilidades necesarias no traballo hoxe en día e no futuro, ambos vistos desde unha perspectiva interxeracional tratando de percibir como teñen cambiado co paso do tempo. Para iso os alumnos e alumnas van contar coa colaboración dos residentes e persoal da residencia As Dores e do profesoras e rapaces e rapazas de Educación Infantil do CEIP M. Rivero.