A Consellería de Educación e Ordenación Universitaria,  a través da Dirección Xeral de Educación, Formación Profesional e Innovación Educativa vén de convocar exames para a obtención dos seguintes canés profesionais:

• Instalador/a de fontanería
• Operador/a industrial de caldeiras
• Instalador/a frigorista
• Conservador/a reparador/a frigorista
• Instalador /a de productos Petrolíferos
• Instalador/a de liñas de alta tensión
• Operador/a de guindastre torre
• Operador de guindastre móbil autopropulsado
• Certificado de cualificación individual en baixa tensión
• Carné profesional en instalacións térmicas de edificios
• etc..

Requisitos:

• Estar en idade legal laboral ou ter cumprida a idade mínima
• Cumprir os requisitos específicos que para cada especialidade se establezan na normativa vixente

Solicitudes:

O modelo de solicitude poderase obter nos departamentos territoriais ou ben na páxina web http://edu.xunta.es/fp

Taxas en concepto de dereitos de exame→ ( importe 38´37 €) validado nunha entidade bancaria

 Prazos e lugares:

Dende o día 13 de xullo ao 23 do mesmo mes

As solicitudes presentaranse nos lugares habituais, sinalados na propia convocatoria

Datas de exames:

A realización non será antes do mes de outubro

Para maior información consultar a páxina web sinalada anteriormente, ou ben nos arquivos que se adxuntan

A partires de setembro, no inicio do curso 2010-2011, o IES.Laxeiro porá en marcha un novo plan de xestión académica. SIXA, un programa informático creado por ENXENIO en colaboración coa Facultade de Informática de A Coruña, vai significar un novo paso na vida académica do noso centro.Un programa que vén a completar a Xade e que costituirá unha ferramenta esencial no traballo do profesorado. A través del os profesores , Dirección e Secretaría do Centro poderán xestionar todo o traballo tanto académico coma de titorías e comunicación cos pais/nais do noso alumnado.

Un programa que funcionará tanto a través da rede wifi do profesorado coma a través de terminais coma un móbil PDA ou un simple "pendrive" conectado a un PC para poder traballar dende a propia casa.

O sistema constará de tres módulos ou aplicacións:

• Aplicación para o profesorado
• Aplicación para o Equipo Directivo
• Comunicación coas familias

No arquivo adxunto poderás informarte máis polo miudo do que vai a consistir este proxecto que o IES.Laxeiro , no seu afán de millora continua, porá en marcha no vindeiro curso.

A Consellería de Educación vén de publicar as listaxes provisionais de admitidos nos Ciclos Medios e Superiores. Ábrese agora un prazo de reclamacións ata o día 13 deste mes. O 19 sairán as listaxes definitivas. O periodo de matrícula para os admitidos nesta 1ª convocatoria será entre os días 20 e 23 do presente mes de xullo.

Nos arquivos adxuntos podedes comprobar as listaxes provisionais  de admitidos e comprobar se hai motivo de reclamación.

 Dende o 5 de xullo ata o 30 de setembro está aberto o prazo para poder solicitar becas e axudas de estudos postobrigatorios. A solicitude deberase facer VIA ON LINE a través da páxina www.educación.es  e previamente o solicitante deberá rexistrarse coma usuario para poder tramitar a súa petición.

Nos arquivos adxuntos podedes obter información correspondente.

O 100% de alumnos de Bacharelato diurno do IES.Laxeiro veñen de superar as Probas de Selectividade que se celebraron en Santiago de Compostela. Sen dúbida un resultado que vén certificar que o camiño percorrido foi acertado.

A este feito hai que engadir que a maioría destes alumnos/as poderán acceder aos estudos desexados debido aos resultados acadados. Subliñar que algúns deles, sumando a nota ponderada da parte específica das Probas de Selectividade , chegan a ter notas de acceso superiores a doce que lles permitirán entrar en calquera carreira do Sistema Universitario Galego . Estas cualifcacións sitúan a algúns deles entre os mellores de Galicia e por suposto na Comarca do Deza.

Destacar entre todos eles a Paula Taboada Troitiño e Roi Gallego Fernández, que o vindeiro 9 de xullo acudirán ao Acto que terá lugar no Auditorio de Galicia e que servirá para premiar a aqueles alumnos/as que acadaron un nove ou superior na nota ponderada entre Bacharelato e as PAAU.

Dende esta páxina Web, fiestra do noso Instituto, tan só agradecer a todos/as o esforzo realizado e o ter deixado o pavillón da nosa Comunidade Educativa nun nivel tan alto.

 ¡GRAZAS, CHAVALES!

Desde o día 17 de xuño ao 2 de xullo estará aberto o prazo para solicitar admisión en Ciclos Medios e Superiores para o curso 2010-2011.

Nos arquivos adxuntos poderás consultar a información que necesites, así como a Oferta educativa do IES.Laxeiro e os impresos que deberás cubrir para reservar a túa praza.

Felicitamos ao alumnado de 1º ESO A e a súa titora Mar García polo accesit conseguido co proxecto "Reoca sen fumes" hoxe en Santiago. Para que vos fagades unha idea, en Galicia participaron uns 6000 alumnos e 115 centros, sendo 12 os preseleccionados para os premios.

Animar tamén a 1º ESO B, C e 2º ESO B que tamén participaron, e a todos para que o próximo ano se poida repetir esta xornada. Enviamos un saúdo aos compañeiros do IES Val do Asma de Chantada cos que compartimos bus e xornada.

Así pois, esperamos que 1º ESO A pase unha divertida e mollada xornada no Aquapark de Cerceda e a todo o IES Laxeiro para que desfrute e xogue á Reoca que está situada no patio interior da cafeteria (instruccións de xogo na porta acristalada).

O venres 14 de maio tivemos o obradoiro de protección civil sobre actuación en caso de incendio, que veu a completar o obradoiro de marzo sobre primeiros auxilios. Participou alumnado e profesorado de ciclos medios de electricidade e automoción, ciclo superior de mantemento e PCPI. A primeira parte, de carácter teórico, foi impartida no salón de actos do centro e a segunda, de carácter práctico, realizouse nas instalacións de protección civil. Alí alumnado e profesorado tivo que enfrontarse a unha situación de lume real, uso correcto de extintor, atención a vento e perigos do lume...

Na galería de fotos do Centro tedes colgado un álbum coas algunhas das máis interesantes.

Esperamos que vos fose útil.

Despois de moitas reunións e moito traballo xa foi elaborado o Plan de Convivencia. Desde a Comisión de Convivencia tratamos de que sexa un plan aplicable e práctico e que, sobre todo, axude a mellorar a convivencia no centro. Esperamos que sexa un punto de partida, xa que é un plan que revisaremos tódolos cursos, mellorando ou cambiando as actividades segundo a avaliación final que fagamos de cada unha delas.

Tamén trataremos de darlle unha maior participación ao alumnado mediante a creación dos Consellos de Aula e mediante a dinamización da Asemblea de Delegados.

O Plan xa foi aprobado polo claustro e polo Consello Escolar e será aplicado no vindeiro curso 2010-2011.

Publicada Orde de 3 maio de 2010 que convoca prazas de residencia en Coruña, Ourense e Vigo para aqueles/as que estudien ensinanzas postobrigatorias (ciclos medios e superiores, bacharelato) lonxe do seu domicilio familiar.

En orientación está dispoñibles toda a información: prazos, requisitos dos solicitantes, formularios...