Skip to Content

 Lamas de Castelo s/n - 15293 - Carnota (A Coruña) - ies.lamas.castelo@edu.xunta.gal - 881867200

Horario: de luns a venres de 8:40 a 14:10 - luns tarde de 16:20 a 18:00 - recreo de 11:10 a 11:40

Presentación da BE

Presentación da Biblioteca do Lamas de Castelo

Biblioteca do Lamas de Castelo

 

A biblioteca, en 2019.

A biblioteca dende maio de 2021.
 
Este curso 2023/24, queremos dar a benvida aos novos usuarios da nosa Biblioteca e ás súas familias. Para coñecer mellor a nosa Biblioteca e a as nosas condicións de préstamos, velaquí vos deixamos a nosa guía de presentación.
 
 
Os nosos logos
Horario do curso 2023-24

Esta é a nosa marca de identidade e atoparédela nos nosos carteis e en avisos e convocatorias das actividades da biblioteca.

  
Este é o logo das Bibliotecas Escolares de Galicia, rede á que pertencemos. Dende o curso 2016-17, comparte todos os espazos co noso logo.

    
Horas Luns Martes Mércores Xoves Venres
8:40-9:30          
9:30-10:20       Renée   
10:20-11:10   Marta      Renée 
RECREO Mariluz Renée Mariluz/ Renée Renée Mariluz
11:40-12:30     Renée    
12:30-13:20     Reunión BE Mariluz/Renée   
13:20-14:10          
16:20-17:10          
17:10-18:00  Renée        
Como novidade deste curso, estaremos dispoñibles para as visitas de nais, pais e familias que queiran usar a nosa biblioteca os luns de 17:10 a 18:00. Animádevos a vir!
 

Rapaza lendo nunha biblioteca
Imaxe orixinal de Tullius Detritus (Commons.wikimedia.org)

Que se pode facer nela??

    • Lectura e estudo en sala: Pódese ler / estudar en silencio, os vosos libros, ou libros que se collan alí. Tamén se pode usar como espazo de estudo ou para facer traballos en pequeno grupo, sempre respectando as distancias, claro. Merece especial atención o recuncho do cómic!

    • Préstamo de material: Podedes ir coller os libros de lectura que vos manden para LC, LG, francés, inglés... Pero tamén podedes levar o que mellor apeteza: outros libros, material de consulta útil para facer traballos, pelis e documentais en DVD ou incluso CDs de música! Tamén podedes aproveitar os vosos números de carnet de usuario para levar cousas para a vosa familia (pais, irmáns pequenos...)

    • Concursos: De cando en vez, as bibliotecarias sacan concursos nos que se pode participar para divertirse, probar sorte, e incluso gañar interesantes premios!!

    • Charlas e obradoiros: A falta de salón de actos, a miúdo hai charlas e obradoiros que se fan na biblioteca: actividades especiais durante as Xornadas Culturais, proxeccións de presentacións de diapositivas ou videos con ocasión de celebracións de datas destacadas e Días Internacionais, encontros con autores de libros e banda deseñada...

    • Aula especial de materia: Hai certas materias que se dan na biblioteca, pola relación entre o currículo e este recurso (Proxecto Competencial; Cultura Clásica). Pero tamén se recomenda e é desexable que a biblioteca poida funcionar puntualmente como aula para as materias, usando e aproveitando os fondos que hai nela.

        

 

 

 

Acceso a fondos bibliotecarios

 

 

A nosa biblioteca por dentro

 

Bibliotecas escolares de Galicia:

A plataforma de lectura ELBE-2

Está é unha plataforma de lectura e préstamo de contidos dixitais. Os contidos bega-elbe2.edu.xunta.es están dispoñibles en diferentes linguas, con especial atención á presenza de contidos en lingua galega, e estruturados por temáticas, linguas, autoría, etapas educativas, xéneros (informativos e de ficción) para facilitar o acceso de usuarios e usuarias ás obras do seu interese. Estes contidos dixitais poden utilizarse online e tamén offline, en todo momento e lugar, e que se adaptan a diferentes soportes de lectura (computador ou dispositivos móbiles).

Se queres coñecer as novidades da nosa biblioteca, recomendámosche facer o seguinte:

1. Visitar a sección de NOVIDADES na propia biblioteca.

Nesta sección podes atopar os últimos libros, cómics e as revistas que mercamos máis recentemente. Tamén podedes consultar as últimas novidades xa en catálogo e dispoñibles ao préstamo aquí.

 2. Visitar a páxina de MEIGA onde está rexistrado e catalogado a maior parte dos fondos.

Aí podes atopar todos os materiais que temos na biblioteca. Neste espazo de Meiga podes buscar por títulos, autores, materias,... así como ler opinións sobre algúns libros. Ademais, ofrece moitas posibilidades de búsqueda noutras bibliotecas e recomendacións de novas lecturas. Se tes dúbidas de como buscar, tes unha pequena guía abaixo como arquivo adxunto.

3. Visitar as persoas encargadas da biblioteca durante os recreos.

Lembra que durante os recreos están Renée (luns, mércores e xoves) e Mariluz (martes e venres). Atenden o préstamo e tamén poden axudarte na búsqueda ou recomendarche algo. Tamén podes preguntarlle aos axudantes de biblioteca do Voluntariado.

Avisos

1. A sección BOCA A BOCA está agardando polos teus comentarios.

O Boca a Boca é un taboleiro de recomendacións de lecturas. Calquera persoa que lea un libro e queira recomendalo pode facer unha breve reseña sobre el e colgala aí.

2. Se hai algún libro que desexes ler e aínda non temos na biblioteca, comunícallelo ás encargadas e, na medida do posible, farémonos con el canto antes.

3. Na cafetería podes ler revistas variadas no expositor (aínda que as máis actuais, as de cada mes en curso, estarán na biblioteca).

4. Rele as normas da biblioteca e lémbrate de cumprilas. É algo beneficioso para toda a comunidade.

 

 

Distribuir contido


by Dr. Radut