Actividades 2016/17
1-. Celebramos o magosto
Para celebrarmos mellor o magosto podemos repasar o vocabulario asociado a esta festa cíclica e popular.
E para mostra, un botón:
Has de cantar, / que che hei de dar zonchos; / has de cantar, / que che hei de dar moitos… dille Rosalía á meniña gaiteira no comezo de Cantares Gallegos
2.-Asistencia ao teatro:
Cousas de Castelao interpretada pola compañía Os Quinquilláns no Auditorio de Cee. Asistiu todo o alumnado de 4º de ESO despois de ler o libro Cousas.
3.- Contacontos bilingüe inglés-galego
Sesión de contacontos con Sophie Haydal e Charo Pita, na bilblioteca do centro. Unha sesión para 1º e 2º de ESO; outra para 3º e 4º de ESO.
4.- O Día das Letras Galegas de Carlos Casares.
Colaboramos no Concurso de adiviñas sobre a vida e obra do autor, organizado entre o Equipo de Biblioteca, o EDLG e o noso departamento.
5.- Recital poético con Aldaolado
Durante as Xornadas Culturais, en maio, todo o alumnado e parte do profesorado asistiu ao recital poético de María Lado e Lucía Aldao, Aldaolado, no instituto.