Biblioteca Pública Municipal "Don Francisco Mayán": X Concurso Literario de achegamento ao teatro

O teatro é o espectáculo máis antigo e que mellor contribúe a que o ser humano exprese os seus pensamentos e os seus sentimentos e, por outra banda, acadou co tempo un importante arraigamento no noso concello e en toda a comarca. Coa finalidade de animar os escolares a
que experimenten na creación dun texto teatral, con total libertade creativa canto a temática, estilo ou extensión, a Biblioteca Pública Municipal “Don Francisco Mayán” e a Cooncellería de Educación, Cultura e Xuventude do Concello de Cee convocan un ano máis o Concurso Literario de “Achegamento ó Teatro”.

BASES

1.- Poderán participar todos os alumnos de calquera dos centros educativos da comarca.

2.- O tema da obra de teatro presentada será libre.

3.- Os traballos serán orixinais, inéditos e cunha extensión libre.

4.- As obras deberán estar escritas en lingua galega.

5.-Os traballos entregaranse sen asinar, cos datos do autor (nome, enderezo, teléfono e curso que estudia) nun sobre pechado, na Biblioteca Pública Municipal “D.Francisco Mayán” do Concello de Cee (r/ Domingo Antonio de Andrade, s/nº), en horario de mañá de luns a venres de 9.30-13.30 e de tarde de 16.30-19.30 horas, antes do día 24 de abril. (No exterior do sobre deberase especificar a idade do autor/a).

6.-Establécese un único premio de: 100 EUROS, en vale para material didáctico e libros a canxear en calquera das librarías do Concello.

7.-O xurado composto por persoas vinculadas ao mundo da cultura, e actuando como secretario do mesmo, a Concelleira de Educación, Cultura e Xuventude, ou persoa en quen delegue, poderá declarar deserto o premio, tendo tamén facultade para outorgar accesits.

8.- O veredicto do xurado farase público o día 15 de maio.

9.- Todas as obras quedarán no poder da Biblioteca Pública Municipal.

10.-O Concello de Cee resérvase a posibilidade da posta en escea da obra premiada polo grupo de actores da Escola Municipal de Teatro de Cee.

11.- Os concursantes, polo feito da súa participación, aceptan en tódolos seus termos, as presentes bases.

 

Biblioteca Pública Municipal "Don Francisco Mayán": XVIII Concurso Literario de achegamento ao libro

Coa finalidade de animar os escolares a ocupar o seu lecer na creación literaria e, así mesmo, propiciar neles unha reflexión sobre o mundo dos libros e a lectura como fonte irrenunciable de pracer e de coñecemento, a Biblioteca Pública Municipal “Don Francisco Mayán” e a Concellería de Educación, Cultura e Xuventude do Concello de Cee convocan un ano máis o Concurso Literario de “Achegamento ó Libro”.

BASES
1.- Poderán participar todos os alumnos de Educación Primaria e Secundaria dos centros educativos da comarca.

2.- O tema estará relacionado co achegamento ao libro, buscando sempre fomentar o hábito da lectura da poboación.

3.- Os traballos serán orixinais, inéditos e cunha extensión máxima de dous folios por unha cara.

4.- Os relatos deberán estar escritos en lingua galega.

5.-Os traballos entregaranse sen asinar, cos datos do autor (nome, enderezo, teléfono e curso que estuda) nun sobre pechado, na Biblioteca Pública Municipal “D.Francisco Mayán” do Concello de Cee (r/ Domingo Antonio de Andrade, s/nº), en horario de mañá de luns a venres de 9.30-13.30 e de tarde de 16.30-19.30 horas, antes do día 24 de abril.

6.- Establecense cinco premios, dotados con:

40 EUROS para o gañador do 1º ciclo de Primaria

45 EUROS para o gañador do 2º ciclo de Primaria

60EUROS para o gañador do 3º ciclo de Primaria

70 EUROS para o gañador do 1º ciclo da ESO

80 EUROS para o gañador do 2º ciclo da ESO


Todos eles en vales, para material didáctico e libros a canxear en calquera das librarías do Concello.

7.- O xurado composto por persoas vinculadas ao mundo da cultura, e actuando como secretario do mesmo, a Concelleira de Educación, Cultura e Xuventude, ou persoa en quen delegue, poderá declarar deserto o premio, tendo tamén facultade para outorgar accesits.
8.- O veredicto do xurado farase público o día 15 de maio.
9.- Todas as obras quedarán no poder da Biblioteca Pública Municipal.
10.- Os concursantes, polo feito da súa participación, aceptan en todos os seus termos, as presentes bases.

 

Calendario 2009

Para crear este almanaque fixemos unha selección entre os (auto)retratos que os alumnos e alumnas do Centro presentaron ao concurso convocado polo Dpto. de Educación Plástica e Visual e o EDNL.

Esperamos que máis de un vos sintades identificados.

 

Concurso Literario "Carlos Casares"

Recuperamos en 2008 os premios literarios que desde os anos sesenta convocou O FACHO e nos que participaron ou gañaron moitos dos escritores e escritoras que hoxe fan posíbel coa súa obra unha literatura galega de calidade e de grande importancia nas letras universais, faise a convocatoria para 2009 do Concurso Literario Carlos Casares e en afectuosa homenaxe ao premio gañador do Certame de Literatura Infantil no ano 1968 coa súa fermosa obra A galiña azul que acadaría a honra de ter sido o fito fundacional da ben vizosa Literatura Infantil e Xuvenil Galega contemporánea.

I Certame de Cinema OUFF ESCOLA 2009

O Consorcio do Festival Internacional de Cine Independente de Ourense (OUFF), a Secretaría Xeral de Política Lingüística, a Concellaría de Normalización Lingüística do Concello de Ourense e a Axencia Audiovisual Galega convocan o I Certame de Cinema OUFF Escola, dentro da XIV edición do Festival de Cine Internacional de Ourense.

I Certame de Cinema OUFF ESCOLA nace co obxectivo de impulsar o uso do idioma galego entre a mocidade; fomentar a creatividade audiovisual e o traballo en equipo, nunha linguaxe atractiva para o alumnado, que contribúa a xerar un espírito crítico. Este certame pretende, así mesmo, potenciar o uso das tecnoloxías da información e da comunicación nos centros de ensino e crear un espazo de referencia para a mostra do audiovisual feito nas aulas.

“Facer cine en Galicia é posíbel. Facer cine en galego é necesario, calquera cultura que queira sobrevivir precisa do cine”.

 

 

---

 

BASES

---

 

 

1. FINALIDADE DA CONVOCATORIA

O obxectivo desta convocatoria é regular o procedemento de aceptación e participación de proxectos audiovisuais no I Certame de Cinema OUFF ESCOLA convocado polas devanditas entidades.

2.PARTICIPANTES

Poderá participar o alumnado matriculado en centros públicos e privados de ensino non universitario de Galicia durante o curso 2008-2009, así como aqueles de fóra de Galicia que teñan no seu currículo materias de e en lingua galega. A participación realizarase sempre baixo a titoría dun profesor ou profesora responsábel do proxecto.
A esta persoa expediráselle un certificado de participación no concurso.

3.CATEGORÍAS

Establécense dúas categorías:

A)Ensino infantil e primario

B)Demais niveis de ensino non universitario

 

4.CARACTERÍSTICAS DAS OBRAS

As obras deberán cumprir os seguintes requisitos:

a)Todos os traballos estarán en lingua galega

b)Deberán ser orixinais, non comercializados e non premiados anteriormente

c)Modalidade: curtas (ficción, documental, animación)

 

Duración: mínima 10 minutos, máxima 60 minutos

 

A temática será libre

 

d)Quedarán excluídos aqueles traballos que inciten ao racismo, xenofobia, homofobia e calquera tipo de violencia, así como os que atenten contra a dignidade da persoa

e)Presentaranse en DVD

Cada DVD non poderá conter máis dunha obra

f)De apareceren menores de idade, deberá contarse coa autorización paterna e/ou materna

l)Calquera apropiación indebida de dereitos de autor –imaxe e son- ou incumprimento das bases desta convocatoria é responsabilidade directa do profesor ou profesora titora

 

5.INSCRICIÓN NO CERTAME

A inscrición formalizarase enviando a ficha anexada a estas bases antes do 15 de maio de 2008, totalmente cuberta e asinada polo profesor ou profesora responsábel do audiovisual.

O DVD enviarase antes do 20 de xuño de 2009. Ambos serán remitidos ao seguinte enderezo:

Festival Internacional de Cine de Ourense

 

(OUFF Escola)

Rúa da Canle, 2

32004 - OURENSE

 

6.XURADO

O xurado estará composto por 5 persoas. Cada entidade organizadora
nomeará un membro, agás o OUFF que nomeará dous.

Os membros do xurado valorarán os seguintes criterios:

a) Calidade da obra

b) Autenticidade e calidade no uso da lingua

c) Potenciación de valores democráticos e de tolerancia

d) Uso creativo das novas tecnoloxías e das ferramentas de software libre

 

O xurado comunicaralles aos participantes a súa condición de gañadores antes do 1 de outubro de 2009. As curtametraxes premiadas serán publicadas nos seguintes enderezos web: http://www.ouff.org/
e http://www.xunta.es/linguagalega/equipos_de_normalizacion_linguistica

As decisións do xurado serán inapelábeis.

7.PREMIOS

OUFF ESCOLA 2009 concederá os seguintes premios:

Categoría A

• 1.º Premio: seiscentos euros (600 €) para o centro e un ordenador portátil
  

para o profesor ou profesora

• 2.º Premio: catrocentos euros (400 €) para o centro e unha cámara de
  

vídeo para o profesor ou profesora

• 3.º Premio: trescentos euros (300 €) para o centro e unha cámara fotográfica
  

para o profesor ou profesora

• Premio Blanco Amor ao mellor guión: trescentos euros (300 €)
  

Categoría B

• 1.º Premio: seiscentos euros (600 €) para o centro e un ordenador
  portátil
  

para o profesor ou profesora

• 2.º Premio: catrocentos euros (400 €) para o centro e unha cámara de
  

vídeo para o profesor ou profesora

• 3.º Premio: trescentos euros (300 €) para o centro e unha cámara fotográfica
  

para o profesor ou profesora

• Premio Blanco Amor ao mellor guión: trescentos euros (300 €)
  

Os centros participantes recibirán unha colección de obras audiovisuais non comercias do proxecto Cinemas dixitais.

A entrega de galardóns realizarase no 14 Festival de Cine Internacional de Ourense, onde serán proxectados os traballos gañadores nas salas cinematográficas vinculadas ao festival.

Editarase un DVD cos traballos gañadores. Estes realizarán un percorrido por diferentes centros de ensino a partir de setembro de 2009.

Todas as obras presentadas recibirán un certificado acreditativo da súa participación.

Non se concederán premios ex-aequo. De estimar o xurado que os traballos non reúnen a calidade suficiente, os premios poderán declararse desertos.

---

 

INFORMACIÓN ADICIONAL

---

 

A inscrición no I Certame de Cinema OUFF Escola 2009 implicará a total aceptación destas bases polos participantes.

A súa interpretación, así como a doutros aspectos que poidan xurdir sen estar contemplados nestas bases, serán competencia exclusiva do xurado.

A organización resérvase o dereito de poder exhibir os audiovisuais inscritos, con fins educativos e culturais, non comerciais e sen ánimo de lucro, en actividades como ciclos, cursos de cine, xornadas de promoción e outros.

Non se devolverán as copias en DVD dos traballos presentados.

II Premio Literario Escolar Caixanova

Este certame nace do convencemento de que a literatura, nas súas compoñentes creativa, fantástica, ou de traballo coa palabra, entre outras cousas, contribúe de forma fundamental ao desenvolvemento de valores positivos para a convivencia.

Podedes descargar as bases no seguinte arquivo.

XIV Certame de Poesía Francisco Añón

Bases:

PRIMEIRA:
Poderán participar tódalas persoas interesadas, de calquera
nacionalidade que presenten os orixinais escritos en Lingua Galega. Os
textos presentados deberán ser inéditos.

SEGUNDA: Establécense as seguintes
categorías e premios, por idade que se contabilizarán ata o trece de
abril, data de remate de entrega dos traballos:

• Categoría A: Nenos/as de 6 a 7 anos.
  • Premios: 1º Clasificado: vale de 90 € en libros e publicación da obra galardoada.
  • Accésit: Publicación da obra galardoada.
• Categoría B: Nenos/as de 8 a 9 anos.
  • Premios: 1º Clasificado: vale de 120 € en libros e publicación da obra galardoada.
  • Accésit: Publicación da obra galardoada.
• Categoría C: Nenos/as de 10 a 11 anos.
  • Premios: 1º Clasificado: vale de 150 € en libros e publicación da obra galardoada.
  • Accésit: Publicación da obra galardoada.
• Categoría D: Nenos/as de 12 a 14 anos.
  • Premios: 1º Clasificado: vale de 180 € en libros e publicación da obra galardoada.
  • Accésit: Publicación da obra galardoada.
• Categoría E: Mozos e mozas de 15 a 17 anos.
  • Premios: 1º Clasificado: vale de 230 € a canxear en libros e publicación do poemario.
  • Accésit: Publicación da obra galardoada.
• Categoría F: Maiores de 18 anos.
  • Premios: 1º Clasificado: cheque por valor de 1000 € e publicación da obra.
  • Accésit: Publicación da obra seleccionada.

TERCEIRA: Para as categorías E e F, as obras terán unha extensión mínima de 150 versos.

CUARTA: Os traballos presentaranse en
sobre pechado, orixinal e cinco copias, figurando no seu exterior a
mención “XIV Certame Francisco Añón de Poesía”. No seu interior
achegarase un sobre pequeno, tamén pechado, figurando no exterior o
título da obra, a categoría na que participa e o lema ou pseudónimo do
autor; e no interior os datos persoais (nome, idade, enderezo, teléfono
de contacto, centro de estudos, titulo da obra e lema ou pseudónimo) e
fotocopia do D.N.I. Estes traballos recolleranse nas oficinas do 1º
andar da Casa da Cultura. Avda. de San Campio s/n 15230 Outes (A
Coruña) Tamén poden enviarse por correo ao devandito enderezo.

QUINTA: O prazo de presentación rematará o luns 13 de abril de 2010.

SEXTA: O xurado, que se dará a coñecer
oportunamente, será nomeado polo Excmo. Concello de Outes. O día 17 de
maio de 2010, dentro dos actos conmemorativos do Día das Letras, darase
a coñecer a decisión do xurado nun acto público no que, ademais de
facer a entrega ás persoas premiadas, celebrarase a presentación do
libro “XIII Certame Francisco Añón de poesía, 2009".

SÉTIMA: Aqueles orixinais non
premiados seán devoltos nun prazo de tres meses, previa solicitude por
escrito. Transcorrido o dito prazo, os poemarios serán destruídos.

OITAVA: A decisión do xurado será inapelable. A participación no presente certame implica a aceptación das anteriores bases.

Quen queres que soe na radio?

Para votar debedes entrar como usuarios/as