IES Lamas de Abade

Alumnado de 2º eso A e de música de 4º eso asistiron no Auditorio de Galicia o venres 24 ao concerto didáctico "Música e evolución" presentado por Pablo Carpinteiro.

“Traducir es producir con medios diferentes efectos análogos”

Paul Valéry

O pasado 24 de novembroun grupo de 5 alumnas de 2º Bacharelato  (Xiana Andrade, Iria Estévez, Candela Porto, Noa Taibo e Antía Tejo) participaron no concurso organizado pola Comisión Europea que leva por título “Juvenes Translatores”  e que este ano versou sobre a temática “European Youth”.

Despois da avaliación por parte dun grupo de profesionais da tradución e da revisión da  DG Tradución das  traducións dos alumnos e alumnas que participaron no concurso (2883 en todos os idiomas), un xurado presidido polo director xeral da DG Tradución elixe a mellor tradución de cada Estado membro. Segundo recoñeceu a comisión avaliadora, esta tarefa foi  todo un desafío, pois o equipo avaliador atopouse con textos excelentemente traducidos tanto pola súa precisión como pola creatividade da solucións. Lamentablemente, tan só podía haber un gañador ou gañadora e, aínda que  este/a non foi ningunha das nosas participantes, Antía Tejo resultou galardoada cunha Mención Especial, o que da conta do alto nivel que os/as xuíces avaliadores das traducións viron no seu texto.

Todo o departamento de Inglés así como o claustro de profesores comprácese en felicitar ao grupo  de alumnas por asumir este reto sen dubidar un segundo e a Antía por acadar este logro que nos da folgos para o ano que ven poder facernos coa praza gañadora. Noraboa a todas, participar xa foi un éxito!

IV XORNADAS DE ORIENTACIÓN LABORAL

No segundo día de xornadas organizadas polo departamento de FOL, o noso alumnado tivo a sorte de realizar unhas xornadas prácticas de primeiros auxilios, que foron impartidas polos seus compañeiros do ciclo medio de emerxencias sanitarias, encabezados polo seu profesor Aleixo Vilas.

Nesta ocasión, practicaron distintas técnicas de primeiros auxilios, coma son a maniobra de Heimlich, a posición lateral de seguridade e a RCP.

Temos que agradecer o noso alumnado voluntario de emerxencias e o seu profesor por estas xornadas tan proveitosas e prácticas.

IV XORNADAS DE ORIENTACIÓN LABORAL

No eido das IV Xornadas de Orientación Laboral, organizadas polo departamento de FOL do noso centro, tivemos a sorte de contar coa conferenciante Dona Noelia Estévez Rionegro, profesora da USC, que nos deu unha charla titulada: Discurso Publicitario.

Nesta conferencia, o noso alumnado puido achegarse a linguaxe no mundo publicitario, e constatar a continua presenza de estereotipos, dos que normalmente non nos percatamos, e que amosan como dende moi novos a publicidade inflúe sobre o noso comportamento e o noso modo de actuar.

A través de distintos exemplos puideron constatar claramente como a linguaxe é distinta cando o produto se destina a homes ou mulleres, ou a nenas e nenos.

Na seguinte charla destas xornadas tivemos un taller práctico sobre primeiros auxilios, impartido polo alumnado do ciclo de emerxencias sanitarias, organizado polo seu profesor Aleixo Vilas.

O pasado 24 de novembro unha representación do alumnado de Inglés do IES Lamas de Abade participou no "Concurso Juvenes Translatores" organizado pola Comisión Europea.

Agora temos recibido con ledicia a notificación de que unha das alumnas participantes, Antía Tejo Rodríguez, está entre as Mencións Especiais do Certame.

Parabéns enormes!!!!! 

Podedes comprobalo pulsando aquí.

O IES Lamas de Abade acaba de recibir a acreditación ERASMUS+ como centro seleccionado da Acción Clave 1 no ámbito de Educación Escolar (KA120-SCH), que estará vixente ata o ano 2027. Con isto recoñécese a traxectoria de calidade levada a cabo durante os anteriores proxectos Erasmus desenvolvidos no noso instituto e a aposta por seguir avanzando con novas metas.

O novo programa ten como obxectivo ser aínda máis inclusivo, accesible e sostible. A nova acreditación Erasmus garantirá subvencións para que o noso alumnado e profesorado poida seguir formándose en inclusión e diversidade, transformación dixital, medio ambiente, participación na vida democrática, compromiso cívico e humanístico. Ademais permitirá continuar actualizando as competencias lingüísticas e metodolóxicas e coñecendo outras formas de organización e xestión de centros educativos en Europa.

Sentímonos orgullosos de poder ofrecer estas accións ao noso alumando e profesorado, co convencemento de que aproveitarán estas oportunidades de internacionalización para desenvolver actividades de mobilidade de alta calidade, coa conseguinte mellora da nosa institución educativa.

Os días 19 e 26 de xaneiro recibimos no laboratorio de Próteses dentais do instituto a visita de Joan, Claudia e Miguel, axentes comerciais e especialistas de produto de AVINENT, grupo empresarial especialista do sector dental.

Durante a primeira xornada, amosáronos una mostra dos produtos que se elaboran no seu centro de fresado en Manresa e ademais fixeron unha demostración do manexo de escáner intraoral para obter una imaxe tridimensional sobre a que realizar o deseño das próteses. 

Na segunda xornada o alumnado recibiu una masterclass de deseño de próteses dentais con Exocad.

No pasado mes de decembro fixérase unha actividade co alumnado de emerxencias sanitarias e aínda non tiñamos compartido as fotos desa actividade. A charla foi impartida pola Unidade Cinolóxica da Garda Civil, onde explicou ao noso alumnado o seu papel na fase de rescate de víctimas, búsqueda e localización, coa axuda de cans adestrados para grandes áreas. Precisamente grazas a esta actividade o alumnado entrou en contacto con esa etapa previa a que os Técnicos en Emerxencias fagan a atención sanitaria e traslado de ditas víctimas. 

Deixamos enlace a algunhas fotos

  https://photos.app.goo.gl/gs7JugQs87BnE7319.