IES Lamas de Abade

Case nos esquecemos de compartir con vos este importante acontecemento: Este serán do día 15 de novembro o IES Lamas de Abade terá un destacado protagonismo nas XXXI Xornadas de Ensinantes de Ciencias de Galicia. Unha representación do alumnado do Instituto dirixida polo profesor José Manuel Facal protagonizará algunha das ponencias da tarde.

O alumnado de 1º de Bacharelato terá un encontro con Santiago Lopo, autor da obra "A Arte de Trobar" (Premio Xerais de Novela, 2017) o vindeiro día 27 de novembro en horario de 10.00 a 11:30 no Salón de Actos do Lamas de Abade. 

O día 15 de novembro, de 9:00 a 14:00 horas, o Departamento de Imaxe Persoal gozará no Taller de Estética 2 dunha "Demostración de Produto e Técnicas de Estética a cargo da casa comercial Alohanatura" de Barcelona.

 Durante o mes de novembro celebraremos no Lamas de Abade un obradoiro de Lingua Portuguesa. As actividades desenvolveranse en horario de tarde, dende as 16:50 a 18:30. O martes 13 será protagonista o 1º A e o martes 20 de novembro será a quenda do 1º B.  

Durante esta noite tremeron os alicerces do Departamento de Inglés do Lamas de Abade, removéronse terras e pedras e pola mañanciña apareceron un montón de testemuños escritos e tartas 

de ultratumba (aínda que seguro que para os de inglés e para os amantes do Halloween sería máis propio dicir "a lot of afterlife cakes")... Cal é a túa favorita??? Mira algúns detalles no ALBUM COMPARTIDO

 Lembrades que o pasado 26 de outubro andivemos a correr un montón de "Voltas ao Instituto contra a Leucemia Infantil"? Pois a ver se podedes atoparvos neste inmenso ALBUM DE FOTOS que agora compartimos con vos :)

Recollemos o premio do concurso "Explícoche Matemáticas 2.0" do que xa deixamos noticia en artigos anteriores.

Para máis información mira a noticia no menú do Departamento de Matemáticas ou a reseña sobre a victoria acadada neste concurso  

  O vindeiro 8 de novembro o alumnado de 2º de Bacharelato e de 4º da Eso visitará a exposición "Castelao Maxistral" da Cidade da Cultura de Galicia. A actividade xira arredor da exposición da obra  'A  derradeira  leición  do  mestre' e complétase con outras obras e actividades sobre o mundo escolar nos tempos da IIª República organizada baixo a supervisión de Miguel Anxo Seixas Seoane.

Se tes interese en saber máis da expo podes visitar os seguintes enlaces da Cidade da Cultura, Turismo de Santiago, Cultura de Galicia ou un artigo de opinión do profesor Galrcía Iglesias de El Correo Gallego

 Deixamos noticia nos nosos eventos de que o CS de Estética e Benestar participará nas Xornadas prácticas do módulo de Cosmética Hidrotermal no balneario de Cuntis o 6 de novembro de 2018 de 9:00 a 19:00. Aprendede e gozade da experiencia e do lugar.

  Compartimos con gran ledicia a nova de que o noso antigo alumno de 4º da ESO Aarón Vilariño Figueiras ten sido designado como gañador na categoría A (2º ciclo da Eso, Bacharelato e ciclos de F.P) do concurso “Explícoche Matemáticas 2.0” na edición do ano 2018 sendo seleccionado entre 29 traballos da súa categoría.