Os cursos 1º e 2º do Ciclo Superior de Saúde Ambiental visitarán o vindeiro día 20 de febreiro de 2019 dende as 10:00 da mañá a Estación Depuradora de Augas Residuais e a Estación de Tratamento de Auga Potable de Santiago de Compostela. Boa visita
Charla sobre o proxecto Youtubeir@s o martes 19 de febreiro pola tarde para o alumnado de ESO e 1º de Bacharelato que poida ter interese no proxecto e na IIIª Convocatoria dos Premios Youtubeir@s co prazo de inscrición aberto recentemente.
Deixamos aquí link á web do proxecto. Ánimo e a participar
Este luns 18 de febreiro realizarase no Lamas de Abade unha nova actividade de sensibilización coa Seguridade Viaria impartida pola Policía Local de Santiago para o alumnado de 3º ESO A e B no Salón de Actos desde as 10:00 ata as 11:30.
Xa o mes pasado, na primeira visita da Policía Local ao Centro, fixemos unha presentación dos obxectivos que se querían acadar con esta actividade. Se queres máis información pulsa aquí.
Fotografía do 2º Curso do Ciclo Superior de Próteses Dentais, coa compaña de Montserrat Pereira e Ana Belén Gómez, visitando o Laboratorio Elidente
Pulsando no adxunto accedes ao programa
Compartimos fotografía dos e das admirables participantes na reunión do Grupo de Convivencia do IES Lamas de Abade o pasado venres 1 de febreiro deste 2019 nunha intensa xornada de traballo e formación. Nótase con claridade que traballar pola convivencia produce inmensa ledicia. Agradecémosvos a dedicación en favor do benestar do Instituto.
O venres día 8 o 2º Curso do Ciclo Superior de Próteses Dentais, acompañados por Montserrat Pereira e Ana Belén Gómez, visitarán o Laboratorio Elidente entre as 10:30 e as 12:30 da mañá.
Orgullosos estamos de que o noso alumno de 4º da ESO Marcos Vaamonde teña sido seleccionado cunha bolsa da Fundación Amancio Ortega para poder cursar o 1º de Bacharelato en EEUU. Tendo en conta que o nivel de idiomas é aspecto determinante na concesión da bolsa, dende o Departamento de Inglés queren transmitirlle unha mensaxe especial:
"Congratulations Marcos! The English Department would like to congratulate you on having been awarded a scholarship to spend school year studying in Canada or USA. We wish you the best of luck. We’re sure we’ll miss you.! "
E, por suposto, xa en galego, tampouco poden faltar os parabéns de todo o Instituto.
O debate desenvolvido con Teresa Moure o pasado xoves 24 de xaneiro de 2019 por parte do alumnado do Club de Lectura "O Scriptorium do Abade" resultou absolutamente proveitoso. Compartimos cos lectores e lectoras da nosa web o álbum de fotografías da actividade
Todos quedamos estupefactos cando o pasado luns o DOUTOR SUÁREZ QUINTANILLA afirmounos isto con rotundidade, dicíndonos ademais que caer ben é un complexo proceso bioquímico activado polos nosos ollos, mans e pelo. Por iso, a ESTÉTICA é un dos empregos máis seguros nos próximos 20 anos.
Enriba resulta que os DENTES non pintan nada neste proceso, estando valorados en exceso nas nosas relacións persoais. Non por arranxar a nosa dentadura imos ter máis aceptación social.
Tom Cruise arranxouse toda a boca, pero xa triunfara antes. O seu éxito non está relacionado cos seus dentes.
TOM CRUISE ANTES E DESPOIS DO ARRANXE DOS SEUS DENTES
Pulsando AQUÍ accedes a un resumo desta interesante conferencia organizada polo Departamento de FOL
Theme by Danetsoft and Danang Probo Sayekti inspired by Maksimer