Recibimos con enorme ledicia a nova na que nos comunican que varios representantes do alumnado do «Stembach» foron seleccionados para participar no programa "Tecnólog@ por un Día" organizado pola Axencia para a Modernización Tecnolóxica de Galicia (Amtega).
Neste programa, do que facilitamos link para completar información, o alumnado seleccionado comparte unha intensa xornada de traballo con profesionais das empresas tecnolóxicas que participan na actividade.
No IES Lamas de Abade os alumnos do «Stembach» Sergio Dacal e Xabier Casillas foron seleccionados para compartir esta experiencia tecnolóxica na propia "Amtega" e na empresa "Sixtema" de Santiago de Compostela. Parabéns para alumnado e profesorado!!.
Theme by Danetsoft and Danang Probo Sayekti inspired by Maksimer