Normas | Enlaces |
Velaquí a nosa Biblio Carballeira que en tempos de coronavirus decidiu, con firmeza, non pechar as súas portas. Isto non tería sido posible sen a implicación e o compromiso de toda a comunidade educativa: dirección, profesorado e alumnado. Para nós non era unha opción, pois pensamos que agora, máis ca nunca, a cultura e a lectura son necesaria e SEGURAS, faros que nos guían e nos acubillan, que nos alimentan e nos axudan a loitar contra a principal e máis perigosa das pandemias: a ignoracia. Deste xeito, facemos nosas as verbas que Lorca pronunciou, hai case 90 anos e que hoxe seguen de absoluta actualidade, na inauguración da biblioteca pública de Fuente Vaqueros:
“Non só de pan vive o home. Eu, se tivese fame e estivese desvalido na rúa, non pediría pan, senón que pediría medio pan e un libro. E eu ataco dende aquí violentamente a quen só fala de reivindicacións económicas sen nomear xamais as reivindacións culturais, que son as que os pobos piden a berros. Ben é que todos os homes coman, pero que todos os homes saiban. Que gocen de todos os froitos do espírito humano, porque o contrario é convertelos en máquinas ao servizo do Estado, é convertelos en escravos dunha terrible organización social.
Eu teño moita máis pena dun home que quere saber e non pode ca dun famento. Porque un famento pode acalmar a súa fame doadamente cun anaco de pan e unhas froitas, pero un home que ten ansia de saber e non ten medios sofre unha terrible agonía, porque son libros, libros, moitos libros os que precisa. E onde están eses libros?”
Eses libros están na nosa Biblio Carballeira. Benvidas o benvidos, collede o que máis vos preste!
![]() |
![]() |
![]() |
![]() |
EQUIPO BIBLIOTECA
Profesorado:
Lucía Durán Paredes Montserrat Freire Tarrida Fernanda González Briones Paulo González Ogando Daniel Garrido López Miguel Quiroga Bóveda Raquel Rivas Cabanelas Lola Toro Cabaleiro Leonor Gala Torres Sabín Mercedes Vilas MartínezCoordinador:
Miguel Mosqueira Fociños