I.E.S. "Illa de Tambo"

Asunto: Programa YAM (Youth Aware of Mental Health)

Informamos que, este curso 2024/25, o noso centro participa novamente como centro de control no Programa de prevención do suicidio YAM, ao abeiro do “Protocolo de prevención e actuación nos ámbitos sanitario e educativo ante o risco suicida infanto-xuvenil”, dirixido á poboación escolar galega de 3º e 4º da ESO.

YAM é un programa de prevención primaria de promoción universal da saúde mental. Invita a reflexionar sobre diferentes situacións e a considerar enfoques distintos cando nos enfrontamos aos retos da vida ou a problemas de saúde mental. O programa vai dirixido a poder prestar apoio aos compañeiros/as e a poder pedir axuda cando a precisamos.

Para poder participar no proxecto YAM, o alumnado ao que vai dirixido o programa, precisa entregar no centro, o consentimento informado (cuberto e asinado polo seus proxenitores).

No seguinte enlace, podedes acceder á información aportada polo Servizo Galego de Saúde sobre o Programa.

YAM - Consellería de Sanidade - Servizo Galego de Saúde (sergas.es)

1 Adxuntos doc de información do programa.

Agradecemos de antemán a vosa colaboración e compromiso para o bo desenvolvemento do programa.

INICIO DO CURSO 2024/25

Seguindo a Orde que regula o calendario escolar para o curso

2024-2025, as clases empezarán o mércores 11 de setembro.

A xornada dese día desenvolverase dende a primeira hora

lectiva ata a última no horario habitual do resto do curso

para todos os grupos.

Os alumnos terán que presentarse ese día ás 8:30 am 

nos seguintes puntos de encontro onde serán recibidos

polos seus titores:

Alumnado de 1º e 2º de Bacharelato:

Entrarán pola porta principal do centro e dirixiranse ao 

salón de actos.

Alumnado de 3º e 4º da ESO:

Agardarán diante da porta principal do centro onde os

titores os chamarán para dirixirse ás aulas.

Alumnado de 1º e 2º da ESO:

Entrarán pola porta do pavillón (rúa do Inferniño, só ese

día) e permanecerán nel ata que os titores os leven

ás súas aulas. 

Admisión alumnado: Publicación listaxes

Comunicamos que con data 25/04/2024 as listaxes de admisión están disponibles no taboleiro de anuncios que está no interior do centro e na aplicación informática admisionalumnado.

Estimadas familias:

   A Consellería de Cultura, Educación, Formación Profesional e Universidades publicou a Orde de 4 de xaneiro de 2024 que aproba o Protocolo sobre o uso dos teléfonos móbiles e dispositivos electrónicos nos centros educativos.

   Polo tanto, no centro queda prohibido o uso de teléfonos móbiles e outros dispositivos electrónicos, con carácter xeral, durante toda a xornada escolar, incluídos os períodos non lectivos (entradas, saídas, recreo e os períodos dedicados ao desenvolvemento de actividades complementarias como saídas e visitas culturais...) en todas as etapas impartidas no centro, tanto en Secundaria como en Bacharelato.

   Adxunto pdf detallado.

   Enlace á normativa en Información xeral- documentos na páxina web.