Programa YAM (Youth Aware of Mental Health)
Estimadas familias,
Comunicámosvos que o noso centro, foi seleccionado aleatoriamente como centro de control para participar no Programa de prevención do suicidio YAM, ao abeiro do “Protocolo de prevención e actuación nos ámbitos sanitario e educativo ante o risco suicida infanto-xuvenil”, dirixido á poboación escolar galega de 3º da ESO.
YAM é un programa de promoción universal da saúde mental. Invita a reflexionar sobre diferentes situacións e a considerar enfoques distintos cando nos enfrontamos aos retos da vida ou a problemas de saúde mental. O programa vai dirixido a poder prestar apoio aos compañeiros/as e a poder pedir axuda cando a precisamos.
O vindeiro martes 19 de decembro ás 19:30h. no Salón de Actos do instituto, os proxenitores do alumnado de 3º ESO, estades convocados e convocadas a unha reunión informativa onde se exporán os detalles da nosa participación e da necesidade de consentimento informado para participar no proxecto YAM.
No seguinte enlace, podedes acceder á información aportada polo Servizo Galego de Saúde sobre o Programa.
YAM - Consellería de Sanidade - Servizo Galego de Saúde (sergas.es)
https://www.sergas.es/Asistencia-sanitaria/YAM?idioma=ga
Agradecemos de antemán a vosa colaboración e compromiso para o bo desenvolvemento do programa.
Iniciamos este curso 21-22 con moita ilusión. Un saúdo á toda a comunidade educativa do Ies Illa de Tambo.
