Alumnado de ESO4 acode a ver unha obra de Talía Teatro na sala Xulio Cuns. Está é unha actividade organizada polo servizo de normalización lingüística do concello de Betanzos.

Hoxe será a primeira de 5 sesións nas que o alumnado de Música de 4º da ESO de Alba Alonso acollerá a diferentes clases de infantil do CEIP Vales Villamarín e lles amosará o seu traballo: o musicado dunha curta!

Ao final de cada sesión, serán os pequenos e pequenas os que farán iso mesmo, con instrumentos sinxelos de percusión.

O lugar elixido, a biblioteca!

@bescolaresgal

Obradoiro sobre igualdade ofertado polo Concello de Betanzos, co gallo do 25N.

César de la Fuente, voluntario do Banco de Alimentos Rías Altas e Coordinador de Centros Educativos, acode a noso instituto para falarlle ao alumnado de 4º da ESO do traballo que realiza o Banco, da importancia da soliedariedade e da campaña Gran Recollida de Alimentos.

O alumnado de 4º da ESO estreou as actividades complementarias deste curso cunha saída á praia de Bastiagueiro martes, 19 de setembro. A actividade principal foi a iniciación ao surf, unha experiencia única para todo o alumnado participante, que puido gozar dun día solleiro cunhas ondas ideais para comezar a mergullarse neste deporte tan de moda.

Damos as grazas á escola "After Surf" por todos os bos consellos que nos deron ao longo da mañá.

Máis fotos no Instagram e no Facebook do instituto!

Durante os días 14 e 21 de xaneiro, os grupos de 4º de ESO visitaron Andorra para practicar esquí. 

A estadía en Andorra foi unha posibilidade formativa moi interesante para o alumnado e profesorado, porque permitiu afondar no coñecemento mutuo, a compresión do papel que xogamos cada un de nós, por non falar da liberdade que gozou o alumnado nun entorno descoñecido.

O alumnado puido demostrar actitudes, normas, comportamentos baseados en valores adquiridos ao longo dos anos, tanto na familia como nas diferentes etapas educativas, destacando o respecto e a colaboración nas actividades realizadas.

Como proxecto final de edición de vídeo co programa Openshot dentro da materia de TIC de 4ºESO  realizáronse curtametraxes e Stop motion. 

 Antes de filmar/captar as imaxes e realizar as gravacións de sons/música, elaboramos un guión e escribimos/debuxamos a stotyboard. 

 Despois editamos usando o programa Openshot.

O pasado 30 de maio o alumnado de E4B e E4C visitou a cidade de Ourense para realizar un roteiro literario, acompañados da profesora Carmen Suárez.

Álbum: Curso 22-23 -> Excursión Ourense