IES Francisco Aguiar

HORA DE LER

Animación á lectura

Start: 08/10/2022 18:41

Timezone: Europe/Andorra

Comezamos Hora de ler.

Para quen esquecera o seu libro na casa, quedan a disposición dos lectores os relatos de Medos Romero e Maggie O'Farrell.

...Porque cando lemos, desde as páxinas, arrolando polas mans que sosteñen o libro, xorden mundos que terminan por habitarnos.

Finalmente será o próximo mércores 28 de setembro ás 19:30 o día da inauguración da exposición fotográfica Balconadas, composta polas fotos realizadas, baixo o liderado de Xosé Manuel Rey Bao, polo alumnado de Plástica de 3º de ESO (Curso 2021/2022).

Sala de Exposicións do Edificio Liceo de Betanzos.

O horario de visitas é o seguinte:

De luns a venres, de 10 a 14 e de 19 a 20 h.

Sábado, de 11:30 a 14 horas e de 18 horas as 22 horas.

Aínda que xa estamos afeitos á excelencia dos seus traballos, este vídeo realizado por Julián Ferrer, ademais de animar á visita da exposición, resulta ser unha curtametraxe necesaria que permite (e mesmo demanda) varios visionados.

BIENVENID@ AL MUNDO DE LAS MUJERES BELLOTAS, Eva Alfonso

Start: 10/07/2022 20:07

Timezone: Etc/GMT+2

EVA ALFONSO, Bienvenid@ al mundo de las mujeres bellota, Mismomundi, Galicia, 2013.

O pasado 28 de xuño a nosa compañeira Eva Alfonso entregou a Belén Iglesias, coordinadora da Biblioteca Sebastián Buedo Jiménez, un exemplar adicado do seu libro ilustrado Bienvenid@ al mundo de las mujeres bellota, onde vivencia a maternidade nun diálogo de poesía e pintura.

Calendario

MELLORES EXPEDIENTES USC: Brais Cano Fariñas, Daniela Marcos Otero e Sofía Veiga García

Chegou aos nosos oídos

Start: 01/07/2022 15:57

Timezone: Europe/Andorra

Os alumnos de 2º BAC, Daniela Marcos Otero, Brais Cano Fariñas e Sofía Veiga García veñen de recibir o recoñecemento de Mellores Expedientes USC por vir de obter unha cualificación igual ou superior a 9 na parte obrigatoria da ABAU.

Este é un premio ao esforzo dos alumnos e un motivo de satisfacción para as súas familias e, por que non decilo, para os docentes que lles impartiron clase tamén nas anteriores etapas ao bacharelato: Daniela e Brais, no CPI Cruz do Sar de Bergondo, e Sofía, no IES Francisco Aguiar.

Brais desexa estudar Enxeñaría Aeronáutica e do espazo en Ourense.

Daniela, Traducción e Interpretación na Universidade de Salamanca. E a Sofía a esperan na UDC para cursar un doble grao: Simultaneidad: Grado en Inglés y Grado en Español.

Parabéns para todos eles e o noso desexo de que consigan os mellores logros nos seus estudos universitarios que comezarán o próximo curso.

Calendario

SOFÍA VEIGA GARCÍA: II Premio de na VII Olimpiada de Traducción de Textos Clásicos en Griego

Chegou aos nosos oídos

Start: 01/07/2022 15:37

Timezone: Europe/Andorra

Acto de entrega da VII Olimpiada de Traducción de Textos Clásicos en Griego. USC.

Durante a entrega deste segundo premio a Sofía Veiga García, o presidente da SEEC Galicia recordou o mérito da nosa (literalmente) laureada alumna por ter quedado en segundo lugar no Concurso Nacional Parnaso.

Parabéns de novo a Sofía e ao seu mentor, o profesor de Grego Francisco Calaza.

Calendario

Xincana Club de Ciencia

Enviado por Pitusa o Lun, 27/06/2022 - 11:42

Club de ciencia

O pasado 15 de xuño realizamos a nosa despedida do Club de Ciencia cunha Xincana científica na que colaboraron os departamentos de Tecnoloxía, Matemáticas, Bioloxía e Xeoloxía e Física e Química.

Tamén empregamos as nosas impresoras 3D para crear medallas para os equipos gañadores. Grazas a todo o alumnado participante no Club pola súa implicación nas actividades. Vémonos o vindeiro curso!! Disfrutade do verán!!