OUTRA XIRA AOS CANEIROS: REUNIÓN CAMPESTRE DOS CLUBES DE LECTURA 2015
26 de Maio 2015. Os Caneiros.
Bucólica estampa. Ao fondo, unha pequena manchiña entre os plátanos de sombra. Un corro de rapaces e rapazas falando de lecturas.
Así, deste xeito tan fermoso, poñemos fin a esta aventura.
Esta foi a última xuntanza dos alumnos de ESO que durante o curso estiveron formando parte dos Clubes de Lectura ...máis de cen ás para voar: unha xira cultural que nos levou camiñando a este fermoso lugar para comer, que convertiu a sobremesa nunha conversación estimulante e nos devolveu ao Instituto entre suores, alerxias e risas.
O Equipo da Biblioteca agradece a participación do alumnado. O voso entusiasmo é o noso alimento!
Imprescindible na travesía anual a implicación dos profesores: Carmen, Elvira, Francisco, Julián, Lucía, María José, Nieves e Óscar; para a xira de hoxe foi de moita axuda a guía de Pepe Valverde.
Parabéns a todos... e ata o curso que ven!
Que a lectura sexa compañeira do vindeiro verán!