O pasado mes de xaneiro, no Club de Ciencia seguimos a explorar as posibilidades da programación. Iniciámonos xogando, na programación da placa micro:bit. Moi sinxela pero con moitas posibilidades: dende a comunicación entre elas, ata o control de luces LED e servomotores, e todo combinado cos sensores integrados na propia plaquiña (acelerómetros, termómetros, sensores de son, de luminosidade, ...). E todo isto cunha sinxela linguaxe de programación de bloques!!!

Quedámonos con moi boas sensacións, a pesar de que as datas "pandémicas" condicionaron a participación, e con máis ganas de explorar, con máis rapazas e rapaces do centro, as posibilidades  desta ferramenta.

Vémonos!!

Álbum: Club de Ciencia 21-22 -> Xaneiro: Xogando coa micro:bit

O luns 30 de novembro e mércores 1 de decembro no club de ciencia do Aguiar estivemos creando ecosistemas: un estanque no xardín e pequenos terrarios en botes de cristal.

Un estanque, por pequeno que sexa, é un mundo acuático rebosante de vida materializada nas formas máis diversas que se poida imaxinar. Estraños insectos, anfibios de complexos ciclos vitais, minúsculos microorganismos planctónicos son algúns dos seus habitantes. Desde o punto de vista didáctico, ofrece a ocasión de gozar observando o asombroso equilibrio ecolóxico que se desenvolve neles.

Álbum: Club de Ciencia 21-22 -> Creando ecosistemas

Van unhas poucas imaxes das tardes que pasamos xogando e programando con Intelixencia Artificial e Machine Learning: asistentes virtuais, meteofotoprediccións e camaleóns. Estes exercizos amosáronnos de xeito práctico cómo unha máquina pode chegar a entender a nosa linguaxe natural e mesmo cómo pode aprender o que són as cores a través de fotografías.

Con esta actividade, rexistrada na "Semana da Programación da Unión Europea" CodeweekEU, os participantes do club de ciencia recibiron un certificado que, as profesoras titoras Marta Bellas e Carmen Núñez, amosamos orgullosas.

O guión do que fixemos, con algo máis de info por se alguén máis quere bucear podédelo atopar aquí.

Grazas a todos os participantes!!! Vémonos doutra volta!!!

Álbum: Club de Ciencia 21-22 -> Novembro: Obradoiro AI

Arrancamos hoxe co obradoiro de AI no noso club de ciencia, nun mes e nun ano moi especial faremos unha pequena introducción á Intelixencia Artificial. Preme no cartel para máis información.

Agora que chega o verán, aínda que o tempo non acompañe. Quedamos para probalos no vindeiro curso, nunha nova edición do noso Club de Ciencia. E coma recordo un marcapáxinas científico saído das nosas impresoras 3D.

Álbum: Club de Ciencia 2020-21 -> 06_Fornos solares

No derradeiro club de Ciencia debuxamos un fractal de xeito colectivo, en concreto unha folerpa de Koch (preme na ligazón para máis info na Wikipedia)

"As marabillas sen fondo xorden de regras simples, que se repiten sen fin." Benoit Mandelbrot (matemático francés)

 

Álbum: Club de Ciencia 2020-21 -> 05_Meteoescolas fractais: Curva de Koch para debuxar unha folerpa

Crónica en imaxes dunha tarde nos laboratorios de Física e Química, onde o alumnado do Clube de Ciencia puido descubrir o mundo dos cristais, creando sorprendentes xardíns químicos e xeodos.

Días despois, cada participante puido recoller o resultado do seu traballo.

Álbum: Club de Ciencia 2020-21 -> 04_O mundo dos cristais

Esta mañá foron entregados os premios ás alumnas e alumnos participantes da Xincana Matemática, unha actividade organizada polo Club de Ciencias.

Parabéns, rapazas! Ben feito, rapaces!

Atréveste co novo reto?

Álbum: Club de Ciencia 2020-21 -> Entrega de premios da Xincana Matemática