IES Fonmiñá

No seguinte enlace está o video da conferencia "dos átomos á luz: unha exploración"

A ciencia pódese aprender en galego, vaia que si. O mércores 4 de novembro celebramos o Día da Ciencia en Galego, evento promovido por Igaciencia, a Asociación do Profesorado de Tecnoloxía de Galicia (APETEGA), a Asociación Galega de Profesores de Educación Matemática (AGAPEMA) e ENCIGA, que agrupa os Ensinantes de Ciencia de Galicia.

Asistimos xunto a máis de cen centros educativos galegos, a través de videoconferencia, á charla organizada pola Coordinadora Galega de Equipos de Normalización e Dinamización Lingüística, “A máquina que constrúe a mente e a realidade”, onde  o científico e divulgador, Xurxo Mariño falounos en directo de como funciona a mente, a onde vai o "eu" cando durmimos e  afondou na complexidade do encéfalo humano, a máquina na que miles de millóns de neuronas utilizan a electricidade para se comunicaren e, dese xeito, crear a mente e a realidade.

 E o rematar a charla, a través de Twitter, puidemos facerlle preguntas sobre o tema, ás que Xurxo foi contestando en directo.

Tedes a conferencia no seguinte enlace

O día 29 de outubro tivemos no Centro un obradoiro de teares impartido pola artesán Noela Feal dentro do programa de actividades "Artesanía nos Coles" que organiza a Asociación de Obradoiros da Terra Chá, no que participou toda a comunidade educativa facendo un tapiz que quedou no centro:

Hai máis fotos na galería:

O día 7 de outubro o alumnado do Centro participou nun obradoiro de cociña mediterránea impartido por 2 monitores enviados polo  Ministerio de Agricultura. O obradoiro consitiu na elaboración de recetas saudables, incluindo un concurso de pinchos resultando gañadores: Diego Seco Barreira e Victoria Andrea Veiga Maseda, de 1º ESO, Pablo Díaz Lage, de 2º ESO e José Juan Veiga Maseda de 3º ESO. A continuación participaron nunha clase de zumba.

Tedes máis fotos na galería

Benvidos a un novo curso. Ánimo e bo comezo!

No seguinte enlace tedes a lista de admitidos provisional. O listado difinitivo da ESO estará dispoñible en setembro.

A listaxe definitiva de alumnado da ESO está no seguinte enlace.

    CALENDARIO DE EXAMES DE SETEMBRO 2016

 Lembrámosvos que neses días non haberá servizo de transporte escolar.

 A sesión de avaliación extraordinaria terá lugar o martes 6 de setembro.

 Entrega de notas: mércores 7 de setembro a partir das 10:30.

 Reclamacións de exames: mércores 7 e xoves 8 de setembro de 10:00 a 13:00.

 Este calendario está publicado na páxina web do instituto:

 http://www.edu.xunta.gal/centros/iesfonmina/

 Para calquera consulta podedes escribirnos ao e-mail ies.fonmina@edu.xunta.es ou contactarnos no teléfono: 982 87 00 15.

O día 18 de xuño o alumnado e profesorado do IES Fonmiña púxose a camiñar para completar o tramo do Camiño de Santiago que vai dende o aeroporto ata Praza do Obradoiro. Depois de repoñer forzas, pola tarde participaron nun concurso de Selfies con distintos monumentos da cidade.

O día 8 de xuño o alumnado de 3º e 4º de ESO fixo unha viaxe extraescolar a Vigo para coñecer a planta de Citroën, tamén fixemos un percorrido guiado polas instalacións do Porto. Despois de comer fixemos unha travesía en barco pola ría de Vigo e un roteiro cultural pola vila de Cangas.