Skip to Content

Blogues

Marcha polo bo trato

Xov, 21/11/2024 - 16:48 — Anónimo

Dentro do traballo para a erradicación da violencia de xénero no IES Fernando Esquío participamos, un ano máis, na Andaina Solidaria contra a violencia de Xénero do Concello de Neda.

Este acto, que terá lugar este venres 22 de novembro é unha andaina reivindicativa na que participará alumnado do noso centro e que pretende visibilizar a nosa repulsa pola violencia de xénero nas súas distintas formas (psicolóxica, física, económica, vicaria, sexual, dixital...) e o noso compromiso pola igualdade real entre mulleres e homes.

 

Obradoiro para adultas (familias, docentes e PAS): Como acompañar á mocidade na diversidade sexual?

Xov, 07/11/2024 - 00:13 — Anónimo

 

No noso centro estamos inmersas xa no Laboratorio de Apoderamento LGBT+. Durante os meses de outubro e novembro, da man da cooperativa Rexenerando, estanse a desenvolver varias sesións de traballo co alumnado de 4º da ESO nas que:

 

1- Reflexionar sobre a diversidade sexual, aclarando conceptos chave e cuestionando mitos e prexuízos asociados.

Polo Samaín....

Lun, 04/11/2024 - 13:27 — begonals

Polo Samaín, no noso IES tivemos unha exposición con recomendacións literarias terroríficas, así como un concurso de microrrelatos no que o alumnado deixou voar a súa imaxinación e ideou as fabulosas creacións que podedes ver na presentación. Ademais, a Santa Compaña foi polas clases recitando versos e tamén tivemos un túnel do terror e unha lectura de contos de terror no salón de actos. Non vos perdades a reportaxe fotográfica e o vídeo da Santa Compaña!

 

Autorización día non lectivo

Lun, 04/11/2024 - 12:09 — Anónimo

O amparo do disposto no artigo 7.2 da ORDE do 12 de abril de 2024 pola que se aproba o calendario escolar para o curso 2024/25 nos centros docentes sostidos con fondos públicos na Comunidade Autónoma de Galicia (DOG do 23 de abril), no noso centro foi autorizado como día non lectivo o día 05/12/24.

Día do ensino - 31 de outubro - non lectivo

Mér, 30/10/2024 - 22:37 — admin

Bo día,

Tal e como establece o calendario escolar da Xunta de Galicia o 31 de outubro celébrase o Día do Ensino e non é lectivo.

Convocatoria do proceso electoral para a renovación do Consello Escolar

Mér, 30/10/2024 - 14:09 — Anónimo

Prezada comunidade educativa, 

Tal o como aprobou a Xunta Electoral, con data de 30 de outubro, procédese á convocatoria de eleccións para a renovación parcial do Consello Escolar e á publicación dos censos electorais provisionais. Os censos dos distintos sectores están expostos no taboleiro do centro onde poden ser consultados. As alegacións poden formularse a través da secretaría do centro ate o día 8 de novembro. Tamén se poderán presentar candidaturas a representación dos distintos sectores ate o mesmo 8 de novembro. 

As eleccións terán lugar o vindeiro 19 de novembro.

Animamos á vosa participación neste proceso.

Atoparedes a información e calendario detallado no arquivo adxunto.

Saúdos, 

Axudas escolares do Concello de Neda

Dom, 06/10/2024 - 09:22 — Anónimo
O Concello de Neda convoca as axudas municipais para paliar os gastos de arranque do curso escolar.

presentación 24/25

Mar, 24/09/2024 - 11:30 — Anónimo

Estimadas familias, 

O vindeiro xoves 3 de outubro no IES Fernando Esquío recibiremos ás familias para que coñezan ás persoas titoras do alumnado e resolvan calquera dúbida con respecto ao funcionamento do centro. 

Novo blogue do EDLG do IES Fernando Esquío

Mar, 10/09/2024 - 12:25 — Anónimo

 

Inauguramos un novo blogue para informar das actividades do EDLG, non deixedes de visitalo.

O IES Fernando Esquío participará no Laboratorio de Apoderamento LGBT+ xunto con outros cinco centros da comarca

Xov, 05/09/2024 - 17:37 — Anónimo

 

O IES Fernando Esquío participará no Laboratorio de Apoderamento LGBT+, unha acción de innovación educativa pola diversidade sexual en Ferrolterra que foi presentada publicamente onte, 4 de setembro, en Fene.

Trátase dun proxecto piloto de sensibilización das comunidades locais no respecto á diversidade sexual, deseñado pola cooperativa ferrolá Rexenerando e financiada pola Deputación da Coruña.

Distribuir contido


by Dr. Radut