Correspondentes xuvenís

Na web de xuventude.net da Consellería de Política Social e Xuventude publicaron unha entrada presentando ao noso equipo de Correspondentes Xuvenís. 

Parabéns ao alumnado, profesorado de FP básica e do equipo de convivencia polo gran traballo que están facendo!!

Este é un pequeno texto que publican na web.

Equipazo formado por alumnado dos ciclos formativos básicos en Electricidade e Electrónica e Mantemento de Vehículos que veñen de preparar e organizar o 20 de Novembro, o Día internacional dos Dereitos da Infancia para concienciar a Comunidade Educativa de que é un día para chamar a atención sobre a situación das nenas e nenos máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.