Mañá xoves 1 de febreiro celebrarase no IES de Fene unha xornada de portas abertas dixirida ao alumnado que actualmente está en 4º da ESO e que no vindeiro curso vaia a comezar 1º de Bacharelato.

Estará aberta a todo o quen queira participar, a partir das 18:00 horas.

Baixo o título de “Todas as matemáticas á vez, en todas partes” e no marco do programa de relatorios Contando Ciencia, Erika Diz desenvolverá este relatorio o vindeiro xoves 18 de xaneiro ás 19:30 horas na Casa da Cultura de Fene.

Natural de Fene, Erika Diz Pita estudou Grao en Matemáticas e o Máster Universitario en Matemáticas na Universidade de Santiago de Compostela (USC) entre 2013 y 2018. Acadou premios Extraordinarios Fin de Grao e Fin de Máster na universidade, así como o Premio Fin de Carreira da Comunidade Autónoma de Galicia. Doutora en 2022 obtendo a cualificación de sobresaínte cum laude e a mención internacional. Entre agosto de 2022 e xaneiro de 2023 traballou como Profesora Titular na Universidade Intercontinental da Empresa, e desde xaneiro deste 2023 traballa como como Profesora Axudante Doutora no Departamento de Estatística, Análise Matemática e Optimización da USC. O seus traballos de investigación céntranse no estudio cualitativo de sistemas dinámicos e ecuacións diferenciais. Dende o ano 2019 ten impartido numerosas charlas divulgativas en Institutos de Educación Secundaria de Galicia.

O alumnado de Francés deséxavos BO NADAL e PRÓSPERO ANINOVO

Durante o período de Nadal a oficina do centro permanecerá aberta  os días 2, 3 e 4 de xaneiro de 9:00 a 13:30.

Bo Nadal e feliz ano.

O vindeiro xoves 14 de decembro, ás 19:30 no salón de actos da Casa da Cultura de Fene contaremos coa presenza de Inés Sánchez Sellero, doutora en Medicina e Cirurxía, que tratará o tema "Sumisión química: máis aló dos titulares de prensa".

Inés Sánchez Sellero é profesora titular da área de Toxicoloxía da Universidade de Santiago de Compostela desde 1999. e investigadora do Instituto de Ciencias Forenses da USC.

Este ciclo de charlas está organizado pola biblioteca O Segrel do Penedo do IES de Fene e conta coa colaboración do concello.

O pasado venres 24 de novembro conmemoramos o Día para a Eliminación da Violencia contra as Mulleres no IES de Fene. Alumnado e profesorado reunímonos nas pistas para decir NON a calquera tipo de violencia machista. Soou música, léronse poemas e portáronse pancartas en prol da eliminación da violencia contra a muller. Ademais uns días antes o alumnado da ESO aproveitou para facer bolboretas e confeccionar un mural espectacular no hall de saída ás pistas.

O pasado 13 de novembro o alumnado de 1º e 2º da ESO acudiu á casa da Cultura de Fene para presenciar a representación "Mozas nas redes" protagonizada pola actriz Estívaliz Veiga. A obra con formato de monólogo xira en torno aos perígos que presentan as redes sociais para os mozos e mozas. Abríanse así as actividades do 25N, data na que se conmemora a eliminación da violencia contra as mulleres, organizada pola concellería de Igualdade e Servizos Sociais do concello á que agradecemos o convite.

Este próximo xoves 16 de novembro dará comezo a 3ª edición do ciclo contandoCiencia. A charla inaugural, que leva por título "Do corazón da materia ao interior das estrelas", terá lugar ás 19:30 no salón de actos da casa da cultura de Fene e correrá a cargo do doutor en Física pola USC Héctor Álvarez Pol.

A carreira científica de Álvarez Pol ten relación coa análise de detectores de partículas e reaccións nucleares así como as súas dinámicas e o desenvolvemento de estruturas computacionais para a simulación e análise dos resultados destes experimentos.

Pódese consultar máis información nos seguintes enderezos.

ContandoCiencia

Fenecidadán

Toda a información premendo na seguinte ligazón.

Na seguinte ligazón poderá vostede atopar información sobre o programa.

A noite do 27 de outubro o alumnado de 2º da ESO quedou a durmir na biblioteca do centro O Segrel do Penedo. Pasárono estupendamente pintando cabazas e monstros, desfilando nun concurso de disfraces e ata xogaron a verdade ou reto, xogo no que a rapazada mostrou unha grande valentía desenvolvendo os retos máis tenebrosos que poidades imaxinar. Despois de cear e xa máis entrada a madrugada contaron lendas e historias de medo e viron unha película espeluznante.

Unha noite inesquecible.

Os días 25, 26 e 27 de outubro tivo lugar en Silleda o evento GaliciaSkills 2023. Trátase dun campionato práctico no que alumnado de Formación Profesional de centros galegos de 24 modalidades mostran as súas destrezas e habilidades realizando diferentes probas. Os gañadores participarán no SpaisnSkills en Madrid en abril de 2024. O IES de Fene estivo representado polo alumno do ciclo dual de Instalacións de Calor, Abel Chao, titorizado pola profesora Inés Piñeiro. Abel alzouse coa medalla de prata na modalidade de Fontanaría e Calefacción.

Parabéns a ámbolos dous!!

Toda a información na web do Concello de Fene. Prema aquí:

O pasado 14 de setembro o Consello Escolar aprobou coma días propios non lectivos do centro para o presente curso os seguintes: 13 de outubro de 2.023 e 20 de maio de 2.024.

A base de Salvamento Marítimo de Fene recibiu unha Mención de Honra por parte da Organización Marítima Internacional con motivo do complexo rescate realizado o 2 de agosto de 2022 a 14 millas das Illas Sisargas. Por ese motivo o concello de Fene quere recoñecer o seu labor organizando unha homenaxe o próximo sábado 30 de setembro no paseo marítimo de San Valentín a partir das 10:30 da mañá. Haberá exposición e visita a distintas embarcacións de Salvamento Marítimo, exhibición canina do Tercio Norte, simulación de rescate na praia de San Valentín, chocolatada e moitas máis actividades.

Poden consultar toda a información na presentación que se adxunta a esta publicación e á que poden acceder desde o enlace.

Presentación elaborada por Daniel Martínez

Vídeo do rescate