Luis Vázquez

Na víspera da súa xubilación, e logo de máis de vinte anos como docente no Proval, este venres participamos dunha emotiva despedida ao profesor de Lingua e literatura castelá, Luis Vázquez. Entre aplausos inesperados, alumnxs de todos os niveis ovacionárono polos corredores e escaleiras do instituto. Sorrisos, bágoas, gratitude, respecto e cariño nun improvisado recoñecemento a un profesor de toda a vida! Un forte abrazo, Luis, de parte de toda a comunidade educativa e ánimo nesta nova singradura porque, como diría Saramago, “O objetivo de uma viagem é apenas o início de outra viagem”!