Alumnado de Proval na Feira Matemática de Agapema
O sábado 7 de abril, un grupo de alumnas e alumnos do IES Escolas Proval desprazouse ata A Coruña para participar na duodécima edición da Feira Matemática organizada pola Asociación Galega de Profesorado de Educación Matemática (Agapema).
Laura, Andrea, Nahir, Nerea, Diego e Jairo, de 2º de ESO, propuxeron aos visitantes obter o número Pi medindo obxectos da vida cotiá con cintas métricas, regras e calibres.
Por outra banda, Clara e Laura, de 4º de ESO, amosaron varios traballos de investigación realizados co programa GeoGebra, nos que usaron diferentes métodos para obter o número Pi. Dende o método xeométrico de Arquímides ata métodos máis complexos como probabilísticos e analíticos.
Así recolleu a prensa este evento:
- La Voz de Galicia: Es maravilloso ver su cara de diversión con las matemáticas . Este artigo recolle a entrevista a Laura Reyes, de 2º ESO A.
- Faro de Vigo: Seis alumnos del instituto Escolas Proval de Nigrán participan en la Feria Matemática de Galicia.
- Val Miñor TV: Alumnado do IES Escolas Proval participa na Feira Matemática de Galicia.
Selecciona a foto inferior para ver o álbum completo desta actividade.
