O alumnado de 2º ESO asistiu nas dúas últimas horas lectivas do venres 4 de novembro, na Biblioteca, á representación da obra de teatro "Finlandia". A obra foi representada por alumnado do grupo de teatro do IES Agra de Orzán de A Coruña e dirixidos polo profesorado María Vidal e Emilio Salgado. Esta peza humorística que roza o absurdo no tratamento de distintas situacións da realidade cotidiá, foi escrita polo noso compañeiro e profesor de Lingua Galega, Fran Godón. A actividade foi organizada polos departamentos de Lingua Galega e Literatura e Dinamización da Lingua Galega.
