Esquema de temas

  • Índice

     G U Í A ...D O C E N T E
    1. Xeral
      Profesión docente

    2. Organización de centros
      Horarios, órganos de goberno

    3. Calendarios e recursos de planificación
      Convocatorias, festivos, conmemoracións
      • Actividades complementarias e extraescolares

    4. Permisos e licenzas do profesorado
    5. Departamentos didácticos
      Xefatura, reunións, documentos
    6. Proxecto Lingüístico de Centro (PLC)
      Linguas por materia
      • Biblioteca
      • Equipo de Dinamización Lingüística
      • Linguas Estranxeiras
          Seccións Bilingües, Auxiliar de conversa,  CUALE
            
    7. Proxecto TIC
      • Equipamentos
        Aula de informática
      • Internet
        Web, Aula virtual, canle YouTube
      • Libro dixital: EDIXGAL
      • Outras ferramentas:
        Abalar, Google, redes sociais

    8. Proxecto Deportivo de Centro (PDC)

    9. Plan de aforro enerxético

    TITORÍAS

    • Acollida
    • Elección de delegados/as
    • Horario de titoría
    • Control de faltas de asistencia
    • Exencións e validacións

    • Bacharelato
      • Revogación de saída a últimas horasAutorización de saída a últimas horas
      • Revogación da autorización de saída nos recreos
      • Autorizacións de saída nos recreos
      • Cambio de optativas
      • Cambio de modalidade

    ATENCIÓN Á DIVERSIDADE

    • Adaptacións curriculares
    • Exencións e validacións
    • Orientacións

    CONVIVENCIA

    • Faltas de conduta
    • Aula de diversidade
    • Mediación
    • Procedemento sancionador
    • Normas de Organización e Funcionamento

    PROTOCOLOS

     

  • Xeral


    A PROFESIÓN DOCENTE

    Artigo 4 da LOE (Lei Orgánica 2/2006):
    3. Dada a exixencia de formación permanente do profesorado e a necesidade de actualización, 
innovación e investigación que acompaña a función docente, o profesorado debidamente 
acreditado disporá de acceso gratuíto ás bibliotecas e museos dependentes dos poderes públicos. 
Así mesmo, poderán facer uso dos servizos de préstamo de libros e outros materiais que ofrezan 
estas bibliotecas. Para tal fin, os directores dos centros educativos facilitaranlle ao 
profesorado a acreditación correspondente.

      NOTA: O certificado de profesor en activo pódese solicitar na Secretaría do centro.
      • Aplicacións informáticas da Consellería de Educación

        • Datospersoais
          Actualización de enderezos e teléfonos; consulta do expediente persoal.

        • Contausuario
          Para a xestión da conta de usuario do correo corporativo: cambiar o contrasinal ou desbloquela.

        • FPROFE
          Formación do profesorado. Consulta e inscrición nas actividades de formación.

        • Espazo ABALAR

        • XADE
          Xestión administrativa.
          Manual XADE
      SINDICATOS

      - Resultados (2014)
- Resultados (2018)
- Resultados (2022)
      Etiquetas: 12 Ficheiros: 5 Glosario: 1 Cartafol: 1

    • Horarios, documentos, órganos de goberno

      ORGANIZACIÓN DO CENTRO

      REGULAMENTO IES

      Decreto 324/1996, do 26 de xullo, polo que se aproba o Regulamento orgánico dos institutos de educación secundaria.

      HORARIOS

      ÓRGANOS DE GOBERNO

      CONSELLO ESCOLAR
      O sector do profesorado conta con sete representantes neste órgano de goberno colexiado. Cada un deles é elixido por votación para un período de catro anos. O proceso electoral convócase oficialmente cada dous cursos para a renovación das vacantes. 

      As últimas votacións realizáronse no mes de novembro de 2018. En Mugardos realízase coordinadamente entre todos os centros de ensino público do concello.

      Comisións do CE:

        • Comisión económica
        •  Comisión de convivencia
        •  Comisión de control de cafetaría
        •  Cosmisión da biblioteca
        • Comisión para o fomento da igualdade entre homes e mulleres
        • Comisión de autoprotección

      DOCUMENTOS

       

      DIRECCIÓN

      - A actual dirección foi elixido para un período de catro cursos: 2013-2017.

      - Renovación para o período 2017-2021:

    • Tema 3

      CALENDARIO E PLANIFICACIÓN

      CURSO 2019-2020:

      PLANIFICACIÓN
      RECURSOS

        Calendario escolar 2019-2020  Consellería (odt)

      ACTIVIDADES EXTRAESCOLARES E COMPLEMENTARIAS

      CONMEMORACIÓNS

       Durante o curso escolar celebraranse, como mínimo, as seguintes conmemoracións:

      • 20 de novembro de 2019: Día Universal da Infancia.
      • 25 de novembro de 2019: Día Internacional contra a Violencia de Xénero.
      • Do 2 ao 9 de decembro de 2019: conmemoración da Constitución e do Estatuto de autonomía de Galicia.
      • 3 de decembro de 2019: Día Internacional das Persoas con Discapacidade.
      • 10 de decembro de 2019: Día da Declaración Universal dos Dereitos Humanos.
      • 30 de xaneiro de 2020: Día Escolar da non Violencia e da Paz.
      • 8 de marzo de 2020: Día Internacional da Muller.
      • 15 de marzo de 2020: Día Mundial dos Dereitos do Consumidor.
      • Do 9 ao 13 de marzo de 2020: Semana da Prensa. Un día desta semana traballarase na aula con xornais.
      • 7 de abril de 2020: Día Mundial da Saúde.
      •  Entre o 20 e o 24 de abril de 2020: Semana do Libro.
      • 2 de maio de 2020: Día Internacional contra o Acoso Escolar.
      • 9 de maio de 2020: Día de Europa.
      • Do 11 ao 15 de maio de 2020: Semana das Letras Galegas.
      • 5 de xuño de 2020: Día Mundial do Medio Ambiente.

      De conformidade co establecido no artigo 26.2 da Lei 2/2014, do 14 de abril, pola igualdade de trato e a non discriminación de lesbianas, gais, transexuais, bisexuais e intersexuais en Galicia, para favorecer a visibilidade e integrar de forma transversal a diversidade afectivo-sexual, os centros docentes sostidos con fondos públicos realizarán actividades específicas próximas ás datas de celebracións internacionais relacionadas co recoñecemento efectivo do dereito destas persoas.



    • Profesorado: permisos, licenzas e báixas médicas

      PERMISOS E LICENZAS

      PERMISOS E
      AUSENCIAS IMPREVISTAS
      Dirección do centro      		 PERMISOS, LICENZAS E
      REDUCIÓN DE XORNADA
      Xefatura Territorial      		 SOLICITUDE DE PERMISO PARA
      ACTIVIDADES DE FORMACIÓN
      Dirixido á dirección Xefatura

      formacion 

      BAIXAS MÉDICAS

      Dende o 2 de maio de 2019 a comunicación dos partes por  Incapacidade Temporal (baixa, confirmación e alta) remitiranse as Xefaturas Territoriais a través da aplicación www.edu.xunta.es/datospersoais. Non hai que enviar os orixinais nin ao centro educativo, nin ás xefaturas nin á Consellería.

      CÓDIGOS CIE-9 mc- CIAP-2  para a gestión da INCAPACIDADE TEMPORAL

      MUFACE: Catálogo médico e servizos

                        Entidades Concertadas

                        Servizos públicos de Saúde

    • Xefatura de Departamento, programacións

      DEPARTAMENTOS DIDÁCTICOS

      NORMATIVA - XEFATURA DE DEPARTAMENTO - FUNCIÓNS

      Decreto 324/1996, do 26 de xullo. TÍTULO III

      REUNIÓNS 

      As reunións dos departamentos didácticos faranse como mínimo unha vez ao mes, logo da convocatoria da xefatura do departamento. As ditas reunións terán o mesmo carácter que as do claustro de profesores e computaranse dentro das sete horas complementarias non fixas».  [ORDE do 4 de xuño de 2012]

      ELECCIÓN DE HORARIOS

      Inmediatamente despois do citado claustro reuniranse os distintos departamentos en sesión extraordinaria para distribuír áreas, materias, cursos, módulos e, se é o caso, quendas entre o persoal que forma parte destes de acordo cos criterios establecidos no punto 91 destas instrucións. De todas as circunstancias e acordos que se produzan na dita reunión levantarase acta que será asinada por todos os membros que constitúan nese momento cada departamento. Ao final da reunión cada departamento entregará copia da acta á xefatura de estudos. [ORDE do 28 de xuño de 2010]

      DOCUMENTOS


      PROGRAMACIÓNS DIDÁCTICAS


      Protocolo programción
      Elementos da programación didáctica

      INSTRUCIÓNS:

      • Os elementos que, como mínimo, debe recoller a programación didáctica en ESO e BAC están recollidos no artigo 24.3 da Resolución do 15 de xullo de 2016 (DOG do 1 de agosto).
      • A programación didáctica das ensinanzas correspondentes ao ciclo, as áreas, materias ou módulos integrados no departamento debe ser elaborada polo departamento didáctico, os equipos de ciclo e os equipos docentes de cada curso, tal e como se establece no artigo 9 da Orde do 7 de xuño de 2016 pola que se aproba o calendario escolar para o curso 2016/17.(DOG do 15 de xuño)
      • Os xefes de departamento, coordinadores de ciclo e, por extensión, os titores responsables se responsabilizarán da redacción da programación didáctica, tal e como se establece nos artigos 17.f) e no artigo 25.c) do Decreto 7/99 do 7 de xaneiro de 1999(DOG do 29 de xaneiro)
      • O xefe de departamento en secundaria, os titores responsables en primaria e os coordinadores de ciclo serán os encargados de trasladar as programacións á xefatura de estudos.(artigo 9.3 da Orde do 7 de xuño de 2016)
      • A dirección do centro remitirá as programacións ao servizo de inspección.
      • Na supervisión que realizará este servizo de inspección se prestará especial atención aos seguintes aspectos: Procedementos e instrumentos de avaliación, Criterios de cualificación, Mínimos esixibles, Recuperación de pendentes, Información ás familias.
      • Estes serán os modelos para o traslado das programacións, tanto das xefaturas de departamento, titores responsables e coordinadores á xefatura de estudos como da xefatura de estudos á dirección.
      • Outros aspectos a ter en conta:
        • As programación deberán estar paxinadas e levar un índice.
        • Prestarase especial atención ao apartado g): Criterios sobre a avaliación, a cualificación e a promoción do alumnado no que se deberá incluír, de forma clara e concreta, como vai ser avaliado o alumnado, o que debe facer para superar a materia e a forma na que se calculará a súa cualificación. Non se deben incluír afirmacións do tipo “o profesorado poderá facer...” senón “faranse ...”. Tamén se especificará de xeito claro todo o referente á avaliación extraordinaria.
        • (BACHARELATO) Segundo o artigo 21 da Resolución citada anteriormente, o alumnado poderá cursar en segundo materias condicionadas á superación das correspondentes materias do primeiro curso non cursadas en primeiro. Esta acreditación poderase realizar:
        1. Cursando e superando a correspondente materia de primeiro.
        2. O alumnado poderá matricularse da materia de segundo curso sen cursar a correspondente materia de primeiro curso, sempre que o profesorado que a imparta considere que o alumno ou a alumna reúne as condicións necesarias para poder seguir con aproveitamento a materia de segundo. En calquera caso, a decisión de que o alumnado reúne as condicións para poder seguir con aproveitamento a materia de segundo curso, deberá adoptarse segundo criterios obxectivos e avaliables, de maneira que sexa posible acreditar tal condición. O departamento didáctico correspondente poderá realizar unha proba. A data límite para a realización desta acreditación será antes do inicio das actividades lectivas. Desta circunstancia deixarase constancia mediante unha dilixencia no historial académico, no expediente académico e, de ser o caso, por medio de observación no informe persoal por traslado.

      Información ás familias

      RESUMO DAS PROGRAMACIÓNS POR MATERIAS
       
      ESO BACHARELATO
      1.º ESO 2.º ESO 3.º ESO 4.º ESO 1.º Bac 2.º Bac


    • Plurilingüísmo. Linguas por materia. Biblioteca, EDL.

      PROXECTO LINGÜÍSTICO DE CENTRO (PCL)

      Decreto 79/2010, do 20 de maio, para o plurilingüismo 
      no ensino non universitario de Galicia

      		     

      Proxecto Lingüístico de Centro 
      (2016-2020      )

      		 Biblioteca

      _________________

      Dinamización Lingüística

      _______________

      Linguas estranxeiras

      ESO

      BACHARELATO

      ADULTOS


      Linguas por materia

      Addenda PLC (2019-2020)

           

    • Equipamento informático, web, aula virtual, EDIXGAL...

      PROXECTO TIC

        

      Equipamentos

      Proxectos de centro: ABALAR - EDIXGAL

      SALA DE PROFESORES

      Tres ordenadores e unha impresora a disposición do profesorado .

      Préstamo de portátiles ao profesorado participante en EDIXGAL.

      IMPORTANTE: Libro de incidencias TIC na Sala de Profesores.

      AULA DE INFORMÁTICA - AULA 5

      Está dotada con 14 ordenadores. Un deles é para uso do profesor que está conectado a un canón proxector de curta distancia. A maioría dos ordenadores foron renovados no curso 15-16. Todos os equipos teñen conexión a rede cableada. Hai dúas impresoras que funcionan compartidas na rede. Tamén se dispón dun escáner.

      A Aula 5 está dotada con 9 ordenadores para uso do alumnado nas sesións lectivas que foron asignadas.

      O uso das aulas de informática está aberto a toda a comunidade educativa. A distribución de horas por departamentos realizarase a comezo de cada curso académico e terá en conta a dedicación, como mínimo, dunha hora á semana para labores de mantemento. O uso das aulas de informática fóra deste horario implicará reserva previa polo procedemento que acorde o profesorado interesado. En calquera caso, cómpre garantir o cumprimento das seguintes normas mínimas:

        1. O alumnado deberá ir e permanecer acompañado por un profesor/a.
        2. Identificación da ubicación do alumnado nas aulas de informática. Os alumnos/as deberán cumprimentar integramente a folla de utilización dos equipos indicando: nº de ordenador, sesión de clase, nome, apelidos, curso e grupo e profesor que imparte a clase.
        3. O alumnado é responsable do estado do posto de traballo que emprega.
        4. Prohíbese a instalación e desinstalación de software así como a modificación da configuración dos equipos por parte dos usuarios, incluíndo fondos de escritorio e salvapantallas.
        5. Os arquivos que deixen os alumnos/as no disco duro deberán gardarse exclusivamente no cartafol “Os Meus Documentos” e situados á súa vez noutro cartafol que identifique a materia e curso.
        6. As incidencias notificaranse ao equipo de dinamización TIC empregando o parte correspondente que se recollerá semanalmente. Neste parte reflectirase o día, hora, curso, grupo, profesor/a encargado/a do grupo e a natureza da incidencia. Por exemplo, non funciona un ordenador, impresora, teclado, rato, etc.; problemas de conexión; danos no material ou instalacións; calquera outra incidencia destacable.
        7. Ao rematar a clase o profesor/a deberá verificar o apagado de todos os equipos.

      O centro participa no proxecto EDIXGAL desde o curso 2017-2018 nos niveis de 1.º e 2.º ESO. Todos os alumnos/as destes niveis contan cun equipamento informático en réxime de préstamo. O alumnado accede coa súa clave persoal aos libros dixitais e materiais a través da plataforma EVA.

      Todo o profesorado ten acceso á plataforma EVA co seu nome de usuario e contrasinal do correo corporativo. 

      ABALARMÓBIL é unha aplicación que se pode instalar tanto no teléfono móbil como nunha táblet, e que permite ás familias consultar a información de calquera dos seus fillos a través destes dispositivos.

       

      BIBLIOTECA

      A biblioteca está dotada con nove ordenadores e unha impresora. Normas:

        1. Os ordenadores da biblioteca só se poderán empregar con permiso dun profesor e na súa presenza.
        2. Para usar os ordenadores o alumnado deberá cumprimentar integramente a folla de utilización indicando. nº de ordenador, hora de comezo, nome, apelidos, curso e grupo, profesor/a acompañante e sinatura do alumno/a.
        3. O uso dos ordenadores limitarase única e exclusivamente á realización de traballos e busca de información académica.
        4. Por razóns organizativas ou outras debidamente xustificadas, de forma excepcional, poderá limitarse parcial ou totalmente por un tempo determinado o uso diario dos ordenadores.
        5. Como máximo haberá dous alumnos por ordenador.
        6. Queda terminantemente prohibida a instalación de programas e aplicacións ou calquera modificación da configuración dos ordenadores por parte dos usuarios.
        7. Para descargar ficheiros de Internet deberase pedir permiso á persoa encargada da Biblioteca.
        8. Non se deixarán arquivos no disco duro dos ordenadores. Os alumnos empregarán chaves USB, DVD ou calquera outro método de almacenamento pertinente para almacenar os arquivos.
        9. Para escoitar música ou calquera arquivo que conteña son, o alumno ou alumna deberá empregar auriculares propios.
        10. Se houber moita demanda dos ordenadores, realizarase un cadro de reservas de uso onde o alumnado supoñer a adopción das medidas sancionadoras e correctivas pertinentes.

      Servizos na rede

      A presenza do IES de Mugardos na rede estará controlada polo Consello Escolar que velará pola imaxe do centro e a adecuación dos contidos publicados en internet aos principios educativos e á correcta divulgación das actividades académicas. Considéranse servizos informáticos do centro:

        • Os ofrecidos a través de Webs dinámicas da Consellería de Educación: páxina web, aula virtual e galería de imaxes.
        • Contas de usuario rexistradas pola dirección: blogs, repositorio de materiais, redes sociais, plataformas educativas...

      Para o desenvolvemento da actividade docente, os profesores/as poderán recorrer a estes servizos ou crear as súas propias contas das que serán responsables e recollerán o seu uso nas programacións didácticas e memoria final de curso. A publicación de imaxes do alumnado está supeditada á lexislación vixente.

      Política de centro no uso de imaxes de menores

      De xeito xeral, coa matrícula recóllese a autorización dos pais, nais ou titores legais dos menores de idade que pode ser actualizada ou revogada en calquera momento. 
      Para calquera evento que se considere necesario, poderá solicitarse a autorización específica para esa actividade.

      As imaxes expostas na web do centro de menores matriculados no mesmo:

      • Son de carácter persoal e identificables (art 5.1)
      • Constan dos devanditos permisos dos pais/nais/titores legais renovados anualmente nas matrículas pertinentes (art. 6.1)
      • Son utilizados nun eido estrictamente educativo tendo como finalidade amosar as experiencias realizadas no centro á comunidade educativa (art 4.2)

      Con todo, se os pais, nais ou titores legais: 

      • Precisan que se rectifique, anule, cancele unha imaxe ou un dato por determinados motivos xustificados (art 18.2)
      • Están interesado en anular/revocar a autorización existente no centro (art 31.2)

      Deberán poñerse en contacto coa dirección do centro e tomaranse as respectivas medidas.

      INTRANET

      WEB DINÁMICAS

      REDES SOCIAIS

    • SALA DE XUNTAS