LAPISEIROS CONSTRUIDOS POLO ALUMNADO DE 2º ESO

O principal obxectivo da materia de Tecnoloxía é que o alumnado sexa capaz de deseñar e construír prototipos que resolvan un determinado problema. Para o alumnado de 2º ESO foi o primeiro ano no que se enfrontaron a este reto, polo que se lles propuxo un proxecto sinxelo: o deseño e construción dun lapiseiro realizado con taboleiro de contrachapado, aínda que tamén podían empregar outros materiais, como cartón ou cartolina. A suspensión das clases presenciais provocou que algúns grupos de traballo non conseguisen rematar o proxecto, mais outros si que o lograron. Velaquí o resultado dalgún dos prototipos rematados.

E para o ano, esperemos poder seguir deseñando e construíndo proxectos un pouco máis complexos.

BO VERÁN!